స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2).ఈ సీరియల్ శుక్రవారం నాటి ఎపిసోడ్ -299 లో.... శ్రీధర్, కావేరి ఇద్దరు కార్తీక్ రెస్టారెంట్ కి వస్తారు. శ్రీధర్, కావేరి తిన్న తర్వాత బిల్ కట్టడానికి డబ్బులు మర్చిపోయి వస్తారు. దీపని తిట్టాడని కోపంతో కావేరి కూడ ఫోన్ ఇంటి దగ్గర మర్చిపోయానని చెప్తుంది. పర్లేదు అని దీప అంటుంటే.. ఎందుకలా అంటావ్ ఇలాగేనా బిజినెస్ చేసేది ఇలా అంటూ ఉంటే మనం అప్పు ఎలా కడతామని కార్తీక్ అంటాడు. నేను అన్న మాటలు నాకే అప్పజెప్పుతున్నావా అని శ్రీధర్ అంటాడు. అన్న మాటలు అప్పుతో సమానమని కార్తీక్ అంటాడు.

బిల్ కట్టకపోతే ఏం చేస్తారో తెలుసు కదా ప్లేట్స్ కడగాలని కార్తీక్ అంటాడు. కాసేపటికి శ్రీధర్ ప్లేట్స్ కడుగుతాడు. కూరగాయలు కూడా కట్ చేస్తాడు. ఇక ఈ జన్మ లో నీ రెస్టారెంట్ కి రానని శ్రీధర్ అంటాడు. రా కాకపోతే బిల్ కట్టాలని కార్తీక్ అంటాడు. శ్రీధర్ కోపంగా వెళ్ళిపోతాడు. బాగా అయిందని కార్తీక్, దీపలతో కావేరి అంటుంది. మరొకవైపు శివన్నారాయణ లాయర్ తో ఏదో వీలునామా రాసుకొని తీసుకొనిరా అని చెప్తాడు. అదంతా దూరంగా ఉండి పారిజాతం చూస్తుంది. అసలేం మాట్లాడుకుంటున్నారో అర్థం కాదు శివన్నారాయణ వస్తుంటే పారిజాతం డోర్ వెనకాల దాక్కోని ఉంటుంది. శివన్నారాయణ చుడకుండానే అక్కడ ఉన్నావని తెలుసని అంటాడు.‌ అలా ఎలా కనిపెట్టారని పారిజాతం అడుగుతుంది. నువ్వు కొట్టుకున్న సెంట్ వల్ల అని శివన్నారాయణ అంటాడు. లాయర్ ఎందుకు వచ్చాడని పారిజాతం అడుగుతుంది. నీకు విడాకులు ఇస్తున్నానని అనగానే.. ఎందుకని పారిజాతం అడుగుతుంది. నువ్వు కొట్టుకున్న సెంట్ నచ్చలేదని శివన్నారాయణ అంటాడు.

ఎవరైనా అలా చేస్తారా అంటూ పారిజాతం భయపడుతుంది. నాకు అన్యాయం చేయకండి అంటూ రిక్వెస్ట్ చేస్తుంది. మరొకవైపు కార్తీక్ ఏదో పేపర్ తీస్తుంటే.. దీప చిన్నప్పటి ఫోటో కిందపడిపోతుంది. అది త్వరగా కార్తీక్ తీసుకుంటాడు. ఎవరిది ఆ ఫోటో అని దీప అడుగుతుంది. నా ప్రాణధాతది అని కార్తీక్ అనగానే.. అదేంటీ నేనే కదా ఆ ఫోటో ఎవరిది చూపించండి అని దీప అంటుంది. అయిన కార్తీక్ సరదాగా ఆటపట్టిస్తాడు. నా ప్రాణధాత ని డైరెక్ట్ నీకే చూపిస్తానని కార్తీక్ అంటాడు. నేను భయటపడాలని అంటున్నాడు కావచ్చు.. నేనేందుకు ఒప్పుకోవాలని దీప సైలెంట్ గా ఉంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.