మోనిత ఆటలకు వంటలక్క చెక్ పెట్టింది. చెప్పినట్టు అంజిని లైనులోకి తీసుకొచ్చింది. ముందుగా డాక్టర్ బాబుతో మెడలో మూడు ముళ్లు వేయించుకోవాలని ఉబలాటపడుతున్న మోనిత ప్రయత్నాలకు అడ్డుకట్ట వేసింది. మొత్తం మీద 'కార్తీక దీపం' సీరియల్ అభిమానుల్లో జూలై 29న ప్రసారమయ్యే 1104 ఎపిసోడ్ తర్వాత ఏం జరుగుతుందనే ఆసక్తి మరింత కలిగించడంలో సక్సెస్ అయ్యింది. ఈరోజు ఎపిసోడ్ విశేషాలు ఏంటంటే...

ఇంటికి వచ్చిన తర్వాత మోనితకు ఏమైంది? అలా ప్రవర్తిస్తోందేంటి? అని వంటలక్క అలియాస్ దీపను భాగ్యం అడుగుతుంది. తన భర్త మీద మోజు పడిందని, దానిని ఎలా వదిలించుకోవాలో తనకు తెలుసు అని చెబుతుంది. ఆల్రెడీ వంటలక్క తన ప్లాన్ అమలుచేసిందని తర్వాత సన్నివేశంలో ప్రేక్షకులకు తెలుస్తుంది.

మోనితకు రిజిస్టర్ దుర్గాప్రసాద్ నుండి ఫోన్ వస్తుంది. డాక్టర్ బాబు అలియాస్ కార్తీక్ తో ఆమె పెళ్లికి అంజి అనే వ్యక్తి అభ్యంతరం చెప్పాడని, అతడిని 25వ తేదీలోపు ఒప్పిస్తేనే మీ పెళ్లి జరుగుతుందని చెబుతాడు. వంటలక్క దెబ్బకు మోనితకు దిమ్మ తిరుగుతుంది. దీపను తక్కువ అంచనా వేసి తప్పు చేశానని బాధ పడుతూ, ఏదొకటి చేసి 25న కార్తీక్ ను పెళ్లి చేసుకుని తీరుతానని మనసులో అనుకుంటుంది.

తర్వాత ఆనందరావును డిశ్చార్జ్ చేసి ఇంటికి తీసుకురావడం, మోనిత-అంజి మధ్య శత్రుత్వానికి కారణం ఏమై ఉంటుందని కార్తీక్ ఆలోచిస్తూ ఉండటంతో ఎపిసోడ్ ముగుస్తుంది. ఫైనల్ పంచ్ ఏంటంటే... మోనితకు రోషిణి కాల్ చేసి 'ఒకసారి రండి. మాట్లాడాలి' అనడం, మోనిత ఇంట్లో దీప ఎంట్రీ ఇవ్వడం! జూలై 30న ప్రసారమయ్యే ఎపిసోడ్ లో ఏం జరుగుతుందో చూడాలి.