జబర్దస్త్ కామెడీ షో గురించి ప్రత్యేక పరిచయం అవసరం లేదు. తొమ్మిదేళ్ల నుంచి ఈ కార్యక్రమం ప్రతి తెలుగింటినీ పలకరిస్తూ అలరిస్తూనే ఉంది. చాలా నార్మల్ గా స్టార్ట్ ఐన ఈ షో ఊహించని రీతిలో చరిత్ర సృష్టించింది కూడా. మొదలైన కొన్నాళ్లకే టాప్ షోగా మంచి రేటింగ్స్ ని సంపాదించుకుంది. ఈ షోలో ఉన్న ఎంతో మంది కమెడియన్స్ కూడా ఇప్పుడు మంచి పొజిషన్స్ లో ఉన్నారు. కానీ ఇటీవల జబర్దస్త్ లో చోటు చేసుకున్న అనూహ్య సంఘటనలు చూస్తుంటే ఈ షో ఉంటుందా లేదా అనే డౌట్ ని చాల మంది ఎక్స్ప్రెస్ చేసేసరికి ఫైనల్ గా వెళ్ళిపోయిన వారందరినీ మళ్ళీ బ్యాక్ టు పెవిలియన్ కి తీసుకొస్తామని మల్లెమాల యాజమాన్యం చెప్పింది. అన్నట్టుగా గెటప్ శీను ఎంట్రీ ఇచ్చాడు. అలాగే మిగతా వాళ్ళతో సంప్రదింపులు చేస్తున్నట్టు సమాచారం. ఐతే ఇప్పుడు ఈ షో హోస్ట్ గా చేస్తున్న అనసూయ కూడా తనకు వస్తున్న ఆఫర్స్ తో టైం సెట్ అవక జబర్దస్త్ షో నుంచి తప్పుకుంది. ఐతే ఇప్పుడు కొత్త యాంకర్ ఎవరు అనే ప్రశ్న ఎదురయ్యింది. వచ్చే వారం కొత్త యాంకర్ గా ఎవరు ? జబర్దస్త్ స్టేజి మీదకి ఎంట్రీ ఇవ్వబోతున్నారు ? అనే విషయం పై ఆడియన్స్ లో ఆసక్తి నెలకొంది. అనసూయ వెళ్ళిపోతోంది అన్న న్యూస్ వైరల్ ఐన దగ్గర నుంచి చూస్తే ఎక్స్ట్రా జబర్దస్త్ కి రష్మినే వస్తుంది అని.. కాదు కాదు మంజూష వస్తుందని, మరో కొత్త యాంకర్ వస్తుందంటూ సోషల్ మీడియా కోడై కూసింది. కానీ ఇప్పుడు జబర్దస్త్ న్యూ ఎపిసోడ్ ప్రోమో రిలీజ్ అయ్యింది. ఐతే ఈ ప్రోమోలో కొత్త యాంకర్ ఎంట్రీ ఇవ్వబోతున్నట్టుగా చేతులకు గాజులు వేసుకుని షో కోసం రెడీ అవుతున్నట్టు, పల్లకీలోంచి కాళ్ళు కింద పెట్టి దిగుతున్నట్టు చూపించారు. జబర్దస్త్ కమెడియన్స్ అంతా పోటీ పడి మేమంటే మేము చూస్తాం కొత్త యాంకర్ ని అంటూ చాటు నుంచి ఎగబడి చూస్తూ ఉన్నట్టుగా ఒక ప్రోమో కట్ చేసి వెనక బీజీఎమ్ గా గీత గోవిందం సాంగ్ పెట్టేసారు. ఐతే నెటిజన్స్ మాత్రం సైడ్ యాంగిల్ నుంచి రష్మీ లానే ఉంది అంటున్నారు. రష్మీ మాత్రమే హెవీ జ్యువెలరీ వేసుకుంటుంది అంటూ కామెంట్స్ చేస్తున్నారు.