English | Telugu
లై డిటెక్టర్ పరీక్షలో పాసైన ఫైమా.. ప్రవీణ్ మీద ప్రేమను ఇలా చెప్పేసింది
Updated : Aug 1, 2022
ఇప్పుడు బుల్లి తెర మీద ప్రవీణ్ ఫైమా లవ్ స్టోరీ సెన్సేషన్ సృష్టిస్తోంది. వీళ్ళ ప్రేమ పటాస్ షో నుంచి స్టార్ట్ అయ్యింది. తర్వాత్తర్వాత ఇద్దరి స్నేహం కాస్త ప్రేమగా మారింది. ఏ చిన్న సందర్భం దొరికినా ప్రవీణ్ ఫైమా మీద తన ప్రేమను ప్రదర్శిస్తూనే ఉన్నాడు. కానీ ఫైమా మాత్రం ఎప్పుడూ నోరు తెరిచి ప్రవీణ్ ఐ లవ్ యూ అనే మాత్రం చెప్పలేదు. ప్రవీణ్ అంటే ఇష్టం ఉందో లేదో కూడా ఎప్పుడూ ఆడియన్స్ ముందు మాత్రం ఫైమా ఓపెన్ కాలేదు. ఐతే ఇప్పుడు తాజాగా క్యాష్ షో లేటెస్ట్ ప్రోమో రిలీజ్ అయింది. ఈ షోకి నాలుగు జంటలు వచ్చి సందడి చేశాయి. నెక్స్ట్ వీక్ ఎపిసోడ్ లో వీళ్లంతా ఫుల్ మస్తీ చేయబోతున్నారు.
ఈ షోలో నూకరాజు, ఆసియా ప్రేమకు పరీక్షా పెట్టింది. తర్వాత సుమ ప్రవీణ్, ఫైమా జంటకు లై డిటెక్టర్ పరీక్షలు పెట్టింది. నీకు బెస్ట్ కమెడియన్ అవార్డు కావాలా ? ప్రవీణ్ కావాలా ? అని ఫైమని అడుగుతుంది సుమ. "నాకు అవార్డు వద్దు, ప్రవీణ్ కావాలి" అంటుంది ఫైమా. ఫైమా ఆన్సర్ రాంగ్ అన్నట్టుగా ఆ లై డిటెక్టర్ మూడుసార్లు కుయ్యో మొర్రో అని అరుస్తూ ఉంటుంది. నువ్ ఎన్నిసార్లయినా అరుచుకో నాకు ప్రవీణే కావాలి అంటుంది ఫైమా. అలా క్యాష్ లో ప్రవీణ్ మీద ఉన్న తన ప్రేమను ఇన్నాళ్లకు ఈ షో ద్వారా బయటపెట్టింది. ఇలా ఈ షోకి వచ్చే వారం రేటింగ్ పెంచుకునే పనిలో పడింది సుమ. ఇప్పుడు ఈ షో ప్రోమో సోషల్ మీడియాలో తెగ వైరల్ అవుతోంది.