ప్రస్తుతం సోషల్ మీడియాలో మై విలేజ్ షో అనిల్ జీల అండ్ టీమ్ హావా నడుస్తుంది. యూట్యూబర్ గా అనిల్ జీల మంచి గుర్తింపు తెచ్చుకున్నాడు. తెలంగాణాలోని ఒక మారుమూల గ్రామంలో ఉన్న గంగవ్వని పాపులర్ చేసాడు అనిల్ జీల. మై విలేజ్ షో ద్వారా కొత్త టాలెంట్ ని ఎంకరేజ్ చేస్తూ కొంతమందితో కలిసి చిన్న చిన్న వీడియోలు చేస్తూ గుర్తింపు తెచ్చుకోవడంతో పాటు పాపులర్ అయ్యాడు. అనిల్ జీల క్రియేట్ చేసిన 'మై విలేజ్ షో' యూట్యూబ్ ఛానెల్ ద్వారా గంగవ్వకి బిగ్ బాస్ షోలో అవకాశం లభించింది. షోలోకి వెళ్ళాక నాగార్జున సైతం తనకి ప్రోత్సాహం అందించాడు.

యూట్యూబ్ వీడియోల నుండి అనిల్ కెరీర్ మొదలు పెట్టి.. ప్రస్తుతం వెబ్ సిరీస్ లతో బిజీగా గడుపుతున్నాడు. అనిల్ జీలా ఎప్పటికప్పుడు విభిన్నంగా ఆలోచిస్తూ సోషల్ మీడియాలో ట్రెండ్ సెట్ చేస్తున్నాడు. లాక్ డౌన్ లో అనిల్ పెళ్లి చేసుకుని పెళ్లి పత్రిక డిఫరెంట్ గా చేయించాడు. అప్పట్లో అది కాస్త వైరల్ గా మారింది. రీసెంట్ గా హలో వరల్డ్ అనే వెబ్ సిరీస్ లో నటించి తన కామెడీతో అందరిని మెప్పించాడు. ట్రెండింగ్ లో ఉన్న కంటెంట్ తీసుకొని వీడియోలు చేయడం అనిల్ స్టైల్ అనే చెప్పాలి.

తాజాగా అనిల్ జీలా కల్లివెల్లి అనే యూట్యూబ్ ఛానెల్ లో ఒక వీడియోని పోస్ట్ చేశాడు. అశ్విన్ నటించిన మూవీ 'హిడింబ' ప్రమోషన్స్ లో భాగంగా.. మూవీ టీం ఇందులో కొన్ని ముచ్చట్లు పంచుకున్నారు. మొదటగా అశ్విన్ పొలంలో నాటు వేస్తున్న గంగవ్వతో స్టార్ట్ చేశాడు. ఏం అవ్వా అన్నం పెడతా అన్నావ్. నాటు వేస్తున్నావా" అని గంగవ్వని అశ్విన్ ప్రేమతో పలకరించాడు. ఆ తర్వాత నాగలి దున్నతున్న అనిల్ జీల దగ్గరికి చిత్ర యూనిట్ వెళ్లి మాటకలిపి సినిమా గురించి మాట్లాడుకున్నారు. ఇలా అనిల్ జీల, గంగవ్వలతో కల్లివెల్లి ఛానల్ లో సెలబ్రిటీస్ వచ్చి ముచ్చటిచడం కొత్తేమీ కాదు అప్పట్లో రానాతో కళ్ళు దావత్ అంటూ చేసిన ఆ వీడియో వైరల్ కాగా అదే తరహాలో హిడింబ టీం చేసిన వీడియో వైరల్ గా మారింది.