గీతు రాయల్.. ఇప్పుడు అందరికి సుపరిచితమే.. బిగ్ బాస్ సీజన్-6 అని అనగానే అందరికి గీతు రాయలే గుర్తుకొస్తుంది. గీతు రాయల్ బిగ్ బాస్ లోకి వెళ్ళిన తర్వాత తనని చిత్తూరు చిరుత అని నాగార్జున ముద్దుగా పిలిచేవాడు. గీతు తన మార్క్ స్ట్రాటజీస్ తో గేమ్ ప్లాన్ తో తోటి కంటెస్టెంట్స్ ని ఆడుకునేది. మైండ్ గేమ్ తో టాస్క్ లు ఫినిష్ చేస్తూ అందరిచేత గుడ్ కంటెస్టెంట్ అని అనిపించుకుంది.

బిగ్ బాస్ హౌజ్ లో ఉన్నన్ని రోజులు తన స్వార్థం తను చూసుకున్న గీతు రాయల్.. ఆదిరెడ్డి ఒక్కడితో మాత్రం క్లోజ్ గా ఉండేది. ఆది ఆది అంటూ ఎప్పుడు తనతోనే తిరిగేది. వాళ్ళిద్దరు యూట్యూబ్ లో రివ్యూలు ఇస్తుంటారు. అందుకేనేమో ఇద్దరు ఇట్టే కలిసిపోయారు. అయితే తన బిహేవియర్ అందరికీ నచ్చేది కాదు. దాంతో ఎలిమినేట్ అయింది. అయితే బిగ్ బాస్ హౌజ్ ని విడిచి వెళ్ళనని ఏడ్చిన గీతు రాయల్ ని ఓదార్చి బయటకు పంపించేసాడు నాగార్జున. అయితే గీతు ఎంత హౌజ్ లో తన స్వార్థం చూసుకున్నా ఎలిమినేట్ అయినప్పుడు చాలా మంది ఫ్యాన్స్ సపోర్ట్ గా నిలిచారు.

గీతు రాయల్ ఎలిమినేట్ అయ్యాక యూట్యూబ్ లో వ్లాగ్స్ చేస్తుంది. ఇన్ స్టాగ్రామ్ లో తన ప్రతీ అప్డేడ్ ని తెలియజేస్తూ తన ఫ్యాన్ బేస్ ని పెంచుకుంటుంది. అయితే ఈ మధ్యే తను శ్రీలంక టూర్ కి వెళ్ళి వచ్చింది. అది పూర్తయిన నెలలోనే థాయ్ లాండ్ కి వెళ్ళింది. బ్యాడ్ గర్ల్స్ టు బ్యాంకాక్ అనే వీడియో వైరల్ అయింది. కాగా ఈ రోజు గీతు రాయల్ పుట్టిన రోజు కాబట్టి ఒక దగ్గర గ్రాండ్ గా సెలబ్రేట్ చేసారు. ఆ పార్టీలో తన ఫ్రెండ్స్ తో పాటు, శ్రీసత్య, వాసంతి కృష్ణన్, యాంకర్ శివ కన్పించారు. శ్రీసత్య, వాసంతి ఈ ఇద్దరు తప్ప బిగ్ బాస్ కంటెస్టెంట్స్ ఎవరూ రాలేదా అంటే రాలేదనే చెప్పాలి. కానీ అందరు తమ తమ ఇన్ స్టాగ్రామ్ పేజీలలో గీతుకి బర్త్ డే విషెస్ చెప్పగా.. వాటన్నింటిని స్క్రీన్‌ షాట్స్ తీసి తన ఇన్ స్టాగ్రామ్ స్టేటస్ లో పెట్టుకుంది గీతు రాయల్. కాగా ఇప్పుడు గీతు రాయల్ ట్రెండింగ్ లోకి వచ్చేసింది.