స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ శనివారం నాటి ఎపిసోడ్ -185 లో.. కావ్య అందరికీ కాఫీ తోసుకొని వస్తుంది. అయితే ఎవరికిచ్చినా ఎవరూ తీసుకోరు. ఎందుకంటే కావ్యతో ఎవరు మాట్లాడకూడదని అపర్ణ చెప్పింది. దాంతో అందరూ అలానే కావ్యతో మాట్లాడకుండా ఉంటారు. మరొకవైపు రోడ్డు మీద బైక్ వేలం పాట పెడుతుంది అప్పు. కళ్యాణ్ అక్కడికి వచ్చేసరికి అప్పు చుట్టూ జనాలను చూసిన కళ్యాణ్.. ఇక్కడేంటి ఇంతమంది ఉన్నారని వెళ్తాడు. అక్కడికి వెళ్ళేసరికి బైక్ వేలంపాట వేస్తుంటుంది అప్పు.

ఇది నా బైక్ అని కళ్యాణ్ అనగానే.. అది నువ్వు నన్ను ఇక్కడ వదిలిపెట్టి వెళ్ళేముందు ఆలోచించాలని అప్పు అంటుంది. బైక్ విలువ తెలిసినవాడివి నా విలువ తెలియదా.. మా గల్లీలోకి హీరో వచ్చిన హీరోయిన్ వచ్చినా దోస్త్ లతో కలిసి చూడాలనుకుంటాం, నీలాగా ఇలా వదిలేసి వెళ్ళిపోమని కళ్యాణ్ తో అప్పు అనగానే.. సారీ బ్రో వదిలేయ్ అని కళ్యాణ్ అంటాడు. మరి ఏమైంది నీ సువర్ణ సుందరి కథ అని అప్పు అడుగగా.. తను వేరొకరి భార్య అని కళ్యాణ్ అంటాడు. దాంతో అప్పు నవ్వేసి.. నేను ముందు నుండి చెప్తూనే ఉన్నా, తను నీ సుందరి కాదు.. నిన్ను ఆడిస్తుందని, గిప్పుడేమైందని అప్పు అంటుంది. సర్లే అని కళ్యాణ్, అప్పు ఇద్దరు బయల్దేరతారు.
మరొకవైపు కావ్య కిచెన్ లో ఒంటరిగా ఆలోచిస్తుంటుంది. ధాన్యలక్ష్మిని మాట్లాడించాలని ప్రయత్నించిన తను మాట్లాడకుండా ఒక పేపర్ మీద రాస్తుంది. నీతో ఎవరూ మాట్లాడొద్దని అక్క అందరికి చెప్పిందని ధాన్యలక్ష్మి పేపర్ మీద రాసి కావ్యకి ఇస్తుంది. ఆ తర్వాత స్వప్న ప్రెగ్నెన్సీ టెస్ట్ చేసుకొని తన ఫ్రెండ్ శిరీషకి కాల్ చేసి అడుగగా.. తను అన్నీ చూసి ఇక ఇప్పట్లో ప్రెగ్నెన్సీ వచ్చే ఛాన్స్ లేదు.. రెండే దార్లున్నాయి. ఒకటి రాహుల్ తో నువ్వు కలవడం, రెండవది ఎలాగైనా కడుపు పెంచుకోవడమని చెప్పేసి శిరీష కాల్ కట్ చేస్తుంది. దాంతో రాహుల్ తో అవ్వదు కానీ ఎలాగైనా బాగా తిని కడుపు పెంచుకోవాలని స్వప్న భావిస్తుంది.

మరొకవైపు వాళ్ళ గదిలోకి కావ్య వెళ్ళగానే రాజ్ ఏదో పెయింటింగ్ వేస్తుంటాడు. అది చూసి ఏంటి కళాపతి ఏం పెయింటింగ్ వేస్తున్నారని అడిగినా రాజ్ మాట్లాడకుండా అలాగే ఉంటాడు. తను వేసే పెయింటింగ్ కావ్యకి కనిపించకుండా చేస్తాడు. మరొకవైపు ఆఫీస్ లో పనిచేస్తున్న డిజైనర్ కి కావ్య కాల్ చేసి... మీ బాస్ ఏం పెయింటింగ్ వేస్తున్నాడు? ఏంటి అని అడుగుతుంది. అదేంటంటే మొన్న క్లయింట్ కాల్ చేసి, మీరు వేసిన డిజైన్స్ లో చిన్న కరెక్షన్స్ ఉన్నాయన్నారని కావ్యతో ఆ డిజైనర్ చెప్తుంది. అవునా అందుకేనా మీ బాస్ అంత కష్ట పడుతున్నాడని కావ్య అంటుంది. ఆ తర్వాత రుద్రాణి వచ్చి కావ్య ఒంటరిదని చెప్తుంది. దానికి కావ్య కౌంటర్ వేస్తుంది. నాకు సహనం ఉంది నాతో మాట్లాడితే అత్తయ్య చూస్తే అంతే అని రుద్రాణితో కావ్య అంటుంది. ఆ తర్వాత స్వప్న పొట్ట పెరగాలని బిర్యానీ తెప్పించుకొని తింటుంది‌. అది ధాన్యలక్ష్మి చూసి ఆశ్చర్యపోతుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.