ఢీ 20 లేటెస్ట్ ప్రోమో రిలీజ్ అయ్యింది. ఇందులో ఒక్కో పెర్ఫార్మెన్స్ ఒక్కో లెవెల్ లో ఉంది. ముందుగా శ్రీవాణి తన కూతురు నందినితో వచ్చి డాన్స్ చేసింది. "రాను రానంటూనే" సాంగ్ కి శ్రీవాణి కూడా డాన్స్ చేసింది. ఇక ఆది ఐతే "ఏదేమైనా శ్రీవాణి గారి కుర్రతనం పోలా" అంటూ కామెంట్ చేసాడు. తర్వాత జతిన్ వచ్చి "నాయిరే నాయిరే" సాంగ్ కి డాన్స్ చేసాడు. అన్షు రెడ్డి "గోంగూర తోటకాడ" సాంగ్ కి డాన్స్ చేసింది. ఇక ఇందులో స్పెషల్ అట్రాక్షన్ ఏంటంటే అభి తీసుకొచ్చిన మురళి బాబాయ్. చిరంజీవి సాంగ్స్ కి డాన్స్ చేస్తూ సోషల్ మీడియాలో ఫేమస్ ఐన మురళి బాబాయ్ కి ఒక షోలో నాగబాబు ప్రామిస్ చేశారు..చిరంజీవిగారితో మాట్లాడించి, ఒక కప్పు కాఫీ తాగేలా ఒక ఫోటో తీసుకునే అవకాశం కల్పిస్తాను అన్నారు. ఆ బాధ్యతను ఆదికి అప్పగించారు. ఇప్పుడు స్టేజి మీదకు మురళి బాబాయ్ వచ్చారు. అన్నట్టుగానే చిరంజీవి, అనిల్ రావిపూడి, మురళి బాబాయ్, ఆది అంతా కలిశారు. ఇక మురళి బాబాయ్ కూడా మాట్లాడాడు. "నేను ఇంత తొందరగా సర్ ని కలుస్తానని అనుకోలేదు. చాలా హ్యాపీగా ఉంది. సర్ తో చెప్పాను చనిపోతే చాలు ఇంకా అని" అన్నాడు.

ఇక ఆది మాట్లాడుతూ "అతను ఎంత మాట్లాడాడు అంటే చివరిగా చిరంజీవి గారు ఇచ్చిన హామీ ఏంటంటే ఏదో ఒక రోజు నా సినిమాలో నా పక్కన ఒక మూవ్మెంట్ వేస్తావు" అని మాట ఇచ్చారు. తర్వాత మణికంఠ మాష్టర్ వచ్చి "నువ్వు పెద్ద పులి లెక్క" సాంగ్ కి పెర్ఫార్మ్ చేసాడు. ఇక మణికంఠతో కలిసి హోస్ట్ నందు కూడా డాన్స్ ఇరగదీసాడు. "మణికంఠ పక్కన చేయడం అంత ఈజీ కాదు కానీ ఇరగదీసారు" అంటూ నందుకు కాంప్లిమెంట్స్ ఇచ్చాడు జడ్జి విజయ్ బిన్నీ మాష్టర్.. ఇక పల్సర్ బైక్ ఝాన్సీ వచ్చి ఒక మాస్ సాంగ్ కి చేసిన డాన్స్ కి అందరికీ పూనకాలు వచ్చేసాయి. తర్వాత పండు, ఆది కూడా వెళ్లి ఆ మాస్ స్టెప్స్ వేశారు. ఇక ఆది ఫన్నీగా కొన్ని మాటలు చెప్పాడు. "మా గంగారాం తిరునాళ్ళకు విచ్చేసిన ఎంఎల్ఏ రెజీనా కాసాండ్రా గారికి, మా మంత్రి విజయ్ బిన్నీ గారికి ఒక సారి చప్పట్లు" అన్నాడు. తర్వాత విజయ్ బిన్నీ మాష్టర్ మిగతా డాన్సర్స్ అంతా వచ్చి డాన్స్ చేశారు. "మన మంత్రి విజయ్ బిన్నీ గారి అమ్మాయిలతో డాన్స్ వేయడం వేయడం వలన ఒక చిన్న పోలీస్ కేసు అయ్యింది." అంటూ వార్తలు చెప్పాడు ఆది.