ఆహా తెలుగు ఇండియన్ ఐడల్ 2 ఆడిషన్స్ మొదలయ్యాయి. ఈ ఆడిషన్ కి చక్రపాణి అనే ఒక బిఎస్ఎఫ్ జవాన్ స్టేజి మీదకు ఎంట్రీ ఇచ్చి తన దేశభక్తిని చాటుకున్నారు. ఆయన పాడిన పాటకు జడ్జెస్ కార్తీక్, తమన్, గీతామాధురి ఫిదా ఐపోయారు. భారతదేశం-పాకిస్తాన్ సరిహద్దులో పని చేస్తున్న చక్రపాణికి సంగీతం అంటే ప్రాణం. ఆ ఇష్టంతోనే ఈ ఆడిషన్స్ కి వచ్చినట్లు చెప్పారు. "అసలు మ్యూజిక్ వినడానికే టైం ఉండదు. కానీ బోర్డర్ లో డ్యూటీ చేస్తూ పాటలు పాడుతూ ఉంటాను" అని చెప్పారు. "కొంతమంది అవకాశం ఉండి కూడా నేర్చుకోలేకపోతున్నారు.. కానీ నెట్వర్క్ లేని చోట కూడా పాటలు నేర్చుకొని పాడడానికి వస్తున్నారంటే అది పెద్ద విషయం" అని అన్నారు థమన్.

ఇక ఆయన పాడిన పాటకు "ఎస్" అని చాలా గర్వంగా చెప్పారు కార్తీక్. "ఒక్క నిమిషం..మీరు ఎస్ అంటున్నారు..కానీ నేను నో అంటున్నాను.. ఎందుకంటే నా లీవ్స్ ఐపోయాయి. బోర్డర్ కి వెళ్లిపోవాల్సిన టైం వచ్చింది." అని చెప్పారు చక్రపాణి. "మిలిటరీ నుంచి వచ్చి ఇలా స్టేజి మీద పాట పాడడం నిజంగా చాలా గర్వించాల్సిన విషయం.. సంగీతానికి మీరు ఎంతో విలువిచ్చారు." అన్నారు థమన్. వెంటనే ముగ్గురు జడ్జెస్ లేచి స్టాండింగ్ ఓవియేషన్ ఇచ్చారు. "మీ వాళ్ళతో మేము మాట్లాడి ఏమైనా చేయొచ్చా" అని థమన్ చక్రపాణిని అడిగారు. మరి ఈ కంటెస్టెంట్ టాప్-12 లో ఉంటారా? అనే విషయం తెలియాలంటే కొన్ని గంటలు వెయిట్ చేసి ఎపిసోడ్ చూడాల్సిందే. ఈ ఆడిషన్స్ మార్చి 3 నుంచి ప్రతీ శుక్రవారం- శనివారం రాత్రి 7 గంటలకు ప్రసారమవుతుంది.