స్టార్ మా టీవీలో ప్రసారమవుతున్న సీరియల్ 'బ్రహ్మముడి'(Brahmamudi). ఈ సీరియల్ శుక్రవారం నాటి ఎపిసోడ్ -663 లో.....ఇంట్లో అందరు కలిసి రాజ్ రాగానే చుట్టుముడతారు. నువ్వు ఎప్పుడు ఆఫీస్ అంటావ్.. నీకు కావలసిన హెల్ప్ కావ్య దగ్గర నుండి తీసుకుంటావ్ కానీ తన గురించి ఎప్పడైనా ఆలోచించావా.. అందుకే మీరు కొన్ని రోజులు హనీమూన్ కి వెళ్ళండి అని అపర్ణ, ఇందిరాదేవి అంటారు. ఇంత సడెన్ గా అంటే కష్టమని రాజ్ అనగానే.. అన్ని ఏర్పాట్లు చేసానని సుభాష్ అంటాడు. ఇదిగో ఫ్లైట్ టికెట్స్ అని ప్రకాష్ ఇస్తాడు. లగేజ్ అంటూ స్వప్న ఇస్తుంది. అందరు ప్లాన్ డ్ గా ఉన్నారు కదా.. ఇదంతా కావ్య ట్రైనింగా అని రాజ్ అనగానే.. నాకు తెలుసు మీరు నన్నే అంటారని అంటూ అలిగి కావ్య పైకి వెళ్తుంది.

ఇప్పుడు కావ్యని ఒప్పించి హనీమూన్ కి తీసుకొని వెళ్ళు లేదంటే తాతయ్య కర్ర తిరిగేయ్యాల్సి ఉంటుందని ఇందిరాదేవి అనగానే.. కావ్యని రాజ్ బుజ్జగించడానికి వెళ్తాడు. రాజ్ సారీ అని చెప్తుంటే కావ్య కావాలనే ఎక్కువ చేస్తుంది. దాంతో రాజ్ రివర్స్ గా మరి వద్దులే హనీమూన్ అని రాజ్ అంటుంటే.. అయ్యో మరి ఎక్కువ చేస్తున్నానని సరే వెళదామని అంటుంది. కానీ మీకోక విషయం చెప్పాలి. ఇదంతా ప్లాన్ చేసిందే నేను అని కావ్య అనగానే అమ్మ కావ్య అని నవ్వుకుంటాడు. నాకు సరదాగా ఉండాలని ఉంటుంది కదా అందుకే అని కావ్య అనగానే.. నాక్కూడా అనిపించింది. అందుకే ఒప్పుకున్నానని రాజ్ అంటాడు. కానీ మీరు స్టేషన్ కి వెళ్ళినప్పుడు బయటకు వస్తే శ్రీశైలం వస్తానని మొక్కుకున్నానని కావ్య అనగానే సరే వెళదాం.. తర్వాత మనాలి వెళదామని రాజ్ అనగానే కావ్య హ్యాపీగా ఫీలవుతుంది.

మరొకవైపు యామిని కావ్యని చంపడానికి రౌడీతో మాట్లాడుతుంది. కావ్య ఫోటో ఇచ్చి అడ్రెస్ చెప్తుంది. కావ్య, రాజ్ లు వెళ్తుంటే.. దారిలో రాజ్ ఒక బూత్ బంగ్లా దగ్గర ఆగుతాడు. ఇక్కడికి ఎందుకు వచ్చారని కావ్య అడుగగా.. నువ్వు అనుకున్నదేం కాదులే అని రాజ్, కావ్య కళ్ళు మూసుకొని లోపలికి తీసుకొని వెళ్తాడు. తరువాయి భాగంలో రాజ్ మోకాళ్ళపై కూర్చొని కావ్య రింగ్ తొడిగి ప్రపోజ్ చేస్తాడు. లైఫ్ లాంగ్ నాతోనే ఉంటావా అని అడుగుతాడు. పెళ్లి ఇష్టం లేకుండా జరిగింది కానీ ఇప్పుడు నువ్వంటే ఇష్టం మళ్ళీ పెళ్లి చేసుకుందామా అంటూ రింగ్ తొడుగుతాడు. మరొకవైపు యామినికి రౌడీ ఫోన్ చేసి మాట్లాడతాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.