స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ గురువారం నాటి ఎపిసోడ్ -399 లో....ఎలాగైనా ఆ సేట్ ని ఇప్పుడు రప్పించి స్వప్న అప్పు తీసుకుందని చెప్పించమని రాహుల్ తో రుద్రాణి చెప్తుంది. అప్పుడే రుద్రాణి దగ్గరికి అనామిక వచ్చి.. చేసిందంతా చేసి ఇప్పుడు సిగ్గు లేకుండా నవ్వుతున్నారా? మీరు చెప్పినట్టు చేస్తే అటు భర్తకి ఇటు అత్తకి దూరం అయ్యానని అనామిక అంటుంది. ఆ తర్వాత అలా ఎందుకు చేస్తానని రుద్రాణి అనగానే.. కళ్యాణ్ ఎండీ కాకుండా ఆపి రాహుల్ ని చెయ్యాలని నీ ప్లాన్ అని అనామిక అనగానే.. అలా చేసేదాన్ని అయితే ఎప్పుడో చేసేదాన్ని అని రుద్రాణి అంటుంది.

ఆఫీస్ బాధ్యతలు తీసుకోవడానికి అర్హత ఒక కళ్యాణ్ కి మాత్రమే ఉంది. ఇలా నువ్వు పోలీస్ కేసు పెడితే ఇప్పుడు.. అప్పు, కళ్యాణ్ లు ఇక మీదట దూరంగా ఉంటారు. ఇక కళ్యాణ్ ని నువ్వు ప్రేమతో దగ్గర చేసుకోవచ్చు.. నీ మాట వినేలా చెయ్యొచ్చు.. అప్పుడు ఆఫీస్ లో అధికారం కళ్యాణ్ ది.. ఇంట్లో నీది అని రుద్రాణి అనగానే.. సారీ అంటీ మిమ్మల్ని తప్పుగా అర్థం చేసుకున్నానని అనామిక అంటుంది. మరొకవైపు సుభాష్ దగ్గర రాజ్ పది లక్షలు తీసుకుంటాడు. ఇంకా ఎన్ని రోజులు వాళ్ళు బ్లాక్ మెయిల్ చేసిన కొద్దీ డబ్బులు ఇస్తూనే ఉంటావని సుభాష్ అంటాడు. ఆ తర్వాత రాజ్ వెళ్తుంటే.. కావ్య అదంతా చూసి తను కూడా బయల్దేరి వెళ్తుంది. రాజ్ ఒక ప్లేస్ కి వెళ్లి ఒకతనికి డబ్బులు ఇస్తాడు. ఇంకొకసారి బ్లాక్ మెయిల్ చేస్తే చంపేస్తానంటు అతనికి రాజ్ వార్నింగ్ ఇస్తాడు. ఆ తర్వాత రాజ్ వెళ్ళాక అతని ద్వారా కావ్య నిజం తెలుసుకోవాలని వస్తుంది కానీ ఆ లోపే అతను వెళ్ళిపోతాడు. అతన్ని పట్టుకుంటే నిజం బయటపడుతుందని కావ్య అనుకుంటుంది. ఆ తర్వాత సేట్ దుగ్గిరాల ఇంటికి వస్తాడు. స్వప్న తన దగ్గర ఆస్తి పేపర్లు తాకట్టు పెట్టి కోటి రూపాయలు తీసుకుందని చెప్తాడు.

ఆ తర్వాత అప్పు తీసుకున్నట్ల పేపర్స్ పై స్వప్న సంతకం చూపిస్తాడు. నిజానిజాలు తెలేవరకు మీరు వెళ్ళండి అని ఆ సేట్ ని పంపిస్తారు.. ఇలా చేస్తావా? ఇలాంటిదానివి ఈ ఇంట్లో నుండి గెంటెయ్యాలని రాహుల్ అనగానే.. ఇందిరాదేవి వద్దంటుంది. నీకు అంత డబ్బు అవసరం లేదని తెలుసు గానీ మంచిగా ఆలోచించు.. అసలు ఏం జరిగిందని స్వప్నని అపర్ణ అడుగుతుంది. రెండు రోజుల్లో అంత తెలుస్తానని స్వప్న అంటుంది.. ఆ తర్వాత రాజ్ ఇంటికి వస్తాడు. కాసేపటికి కావ్య కూడా వస్తుంది.. తరువాయి భాగంలో రాజ్ ఫోన్ ని కావ్య తీసుకొని అందులో నెంబర్ తీసుకుంటుంది. ఆ తర్వాత అప్పుకి చెప్పి అసలు ఆ నెంబర్ ఎవరిదో కనుక్కోమని చెప్పగా.. దానికి అప్పు సరే అంటుంది. కావ్య ఫోన్ మాట్లాడి వెనక్కి చూసేసరికి రాజ్ ఉంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.