స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ బుధవారం నాటి ఎపిసోడ్ -380 లో.... అనామిక, స్వప్న ఇద్దరు పోటీపడి మరీ ఆఫీస్ కి వెళ్లిన రాహుల్, కళ్యాణ్ లకి క్యారేజ్ కడుతారు. అది చూసిన కావ్య వచ్చి మీరేం చేస్తున్నారు.. ఒక్కరికే అంత ఎందుకు? మీరు వెళ్ళేలోపు అక్కడ భోజనం టైమ్ కూడా అయిపోతుందని కావ్య అంటుంది. ఆ తర్వాత రుద్రాణి కావాలనే కావ్య దగ్గరకి వచ్చి.. పాపం మీ ఆయన ఆఫీస్ కి వెళ్తే నువ్వు అలా దర్జాగా క్యారేజ్ పట్టుకొని వెళ్లేదానివంటూ వెటకారంగా మాట్లాడుతుంది.

మరొకవైపు రాహుల్ తన బుద్దిని చూపిస్తూ ఫైల్ ఇవ్వడానికి వచ్చిన శృతితో నీ పర్ఫ్యూమ్ బాగుందంటూ మాట్లాడేసరికి.. శృతి చిరాకుగా వెళ్ళిపోతుంది. వారం రోజుల్లో శృతి నా వొళ్ళో ఉండేలా చేస్తానని రాహుల్ అనుకుంటాడు. ఆఫీస్ కి అప్పుడే స్వప్న, అనామికలు వస్తారు. రాహుల్ గురించి శృతిని స్వప్న అడుగుతుంది. నెయిల్ పాలిష్ దగ్గర నుండి షాంపూ వరకు అడుగుతున్నాడని శృతి అనగానే.. నాకు తెలుసు వాడి బుద్ధి వంకర అని అనుకుంటుంది. మరొకవైపు కళ్యాణ్ క్యాబిన్ కి అనామిక వెళ్తుంది. కష్టపడి క్యారేజ్ పట్టుకొని వస్తే పట్టనట్టు ఉంటావని అనామిక అనగానే.. తనకి క్లాస్ పీకి మరి పంపిస్తాడు. భార్య లకి నచ్చింది చేస్తే ఎక్కడ లేని ప్రేమ పుట్టుకోస్తుందని కళ్యాణ్ అనుకుంటాడు. ఆ తర్వాత శ్వేతని కలవడానికి కావ్య వస్తుంది. ఆఫీస్ కి వచ్చి ఏం చేస్తున్నావ్ అంటూ అడుగుతుంటే బుద్ది మారదు కదా అని అనామిక అంటుంది. నీకు కూడా క్లాస్ అయింది కదా అంటు అనామికకి స్వప్న కౌంటర్ వేస్తుంది.

మరొకవైపు రుద్రాణి, ధాన్యలక్ష్మి లు కావాలనే అపర్ణని రెచ్చగొట్టేలే మాట్లాడతారు. దాంతో అపర్ణ కోప్పడి వెళ్ళిపోతుంది. ఆ తర్వాత శ్వేతని కావ్య కలుస్తుంది. మీ ఫ్రెండ్స్ అందరికి గెట్ టూ గెధర్ పార్టీ పెడితే అందరూ వస్తారు కదా.. అందులో వెన్నెల కూడా వస్తుందని ఇద్దరు అనుకుంటారు. వెన్నెల ఎక్కడ ఉందో కనుక్కోవడానికి ప్లాన్ చేస్తారు. తరువాయి భాగంలో నీకు అన్యాయం జరిగింది కదా.. ఎందుకు ఇక్కడే ఉంటున్నావని కావ్యని అపర్ణ అంటుంది. నువ్వు సంతోషంగా ఎప్పుడు లేవు.. నువ్వు మీ ఇంటికి వెళ్ళిపోమని కావ్యకి రాజ్ చెప్తాడు. దాంతో కావ్య షాక్ అవుతుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.