'బీబీ జోడి' శనివారం గ్రాండ్ గా మొదలైంది. వాలెంటైన్స్ వీక్ కావడంతో ఈ షో డబుల్ ఎంటర్‌టైన్మెంట్ ని తెచ్చేసింది. ఈ షోలో సదా, రాధ, తరుణ్ మాస్టర్ జడ్జెస్ గా ఉండగా.. శ్రీముఖి యాంకర్ గా చేస్తోంది. కాగా శనివారం నాటి డ్యాన్స్ ఎపిసోడ్ లో ధమాకా జోడీల పర్ఫామెన్స్ జరిగింది. 

వాలెంటైన్ వీక్ లో భాగంగా ఫిబ్రవరి 11th ప్రామిస్ డే కాబట్టి  మీరు ఏం  ప్రామిస్ లు చేస్తారని శ్రీముఖి ధమాకా జోడీలని అడుగుగా.. తేజస్విని  కప్పు తెచ్చిస్తానని అఖిల్ కి ప్రామిస్ చేస్తుంది. సేమ్ హియర్ అని అఖిల్ ప్రామిస్ చేస్తాడు. ఆ తర్వాత కాజల్ ని అడుగగా.. "నేను చేసే డ్యాన్స్ లో   స్టెప్స్ గుర్తుపెట్టుకుంటాను" అని కాజల్ ప్రామిస్ చేస్తుంది. ఆ తర్వాత సూర్య కళ్ళలోకి ఫైమా చూస్తూ.. "నువ్వే ప్రతీ ఎపిసోడ్‌లో నీ చేతులతో పట్టుకొని నన్ను గాల్లోకి లేపుతున్నావ్.. అలాగే ఈ షో ముగిసేలోపు నేను నిన్ను లేపుతా" అని చెప్పడంతో స్టేజ్ మీద ఉన్న మొత్తం కంటెస్టెంట్స్ నవ్వేసారు.

ఆ తర్వాత కొరియోగ్రఫీ రౌండ్ లో మొదట వచ్చిన జోడి కౌశల్ - అభినయశ్రీ. వీరిద్దరూ కలిసి ప్రభుదేవ కొరియోగ్రఫీ చేసిన సాంగ్ ని ఎంచుకొని తమ డ్యాన్స్ పర్ఫామెన్స్ చేసారు.  కాజల్-చైతూ జోడి బృంద మాస్టర్ కొరియోగ్రఫిని సెలెక్ట్ చేసుకొని వావ్ అనిపించేలా డ్యాన్స్ చేసారు. ఫైమా- సూర్య జోడి కలిసి శేఖర్ మాస్టర్ కొరియోగ్రఫీ చేసిన సాంగ్స్ కి డ్యాన్స్ చేసి పర్వాలేదనిపించారు.