నీతోనే డాన్స్ 2 .0 లో కొత్త కొత్త విషయాలు జరుగుతున్నాయి. ప్రతీ వారం లాగే ఈ వారం ఎపిసోడ్ ప్రోమో రిలీజ్ అయ్యింది. ఇందులో అరియనా-అవినాష్ ఎంట్రీ ఇచ్చారు. అలాగే మానస్- సుబ్బు జోడీలో సుబ్బుకి హెల్త్ బాలేని కారణంగా మానస్ ఒక్కడే షోకి వచ్చాడు. ఐతే మరి జోడీ ఎవరు నీకు అని శ్రీముఖి అనేలోపు వెనక నుంచి భానుశ్రీ ఎంట్రీ ఇచ్చింది.  "అబ్బాయి అబ్బాయి డాన్స్ చేయకూడదు..అబ్బాయి అమ్మాయి డాన్స్ చేయాలి" అని శ్రీముఖి అనేసరికి అందరూ నవ్వేశారు. అలాగే అమరదీప్ - తేజస్విని గౌడ ఇద్దరూ ఈ షోలో కనిపించారు. ఐతే ఈ వారం ఎపిసోడ్ లో రెండు జంటల మధ్య గట్టిగా యుద్ధం జరగబోతోందన్న విషయం ప్రోమో ద్వారా తెలుస్తోంది. అదే అవినాష్ - అరియానా, విశ్వా-నయని పావని జంటల మధ్య మార్కుల యుద్ధం జరిగింది.  

ఒకరికి పోటీ మరొకరు తక్కువ మార్క్స్ ఇచ్చుకుని అరుచుకున్నారు. అలాగే నితిన్- అక్షితే హారర్ పెర్ఫార్మెన్స్ కి ఇచ్చిన మార్క్స్ విషయంలో అమరదీప్ - తేజు అండ్ బ్రిట్టో - సంధ్య జోడీలు మధ్య బాగా యుద్ధం జరిగింది. ఇక విశ్వా - నయని పావని డాన్స్ కి ఆరియానా చాలా తక్కువ మార్క్స్ ఇచ్చేసరికి సదా మధ్యలో వచ్చి ఆరియానా మీద అరిచేసింది. ఆరియానా కూడా జడ్జెస్ అలా అరవకూడదంటూ రివర్స్ కౌంటర్లు వేసింది. ఐతే జడ్జి సదాకి ఈ డాన్స్ షోలో బ్రిట్టో, విశ్వా, నేహా చౌదరి, యావర్ అంటే విపరీతమైన ఇష్టం..వాళ్ళ మీద ఈగ కూడా వాలనివ్వరు.. ఇక అరియనా గట్టిగా అన్న మాటలకు సదా అహం దెబ్బతిని షోలోంచి లేచి వెళ్ళిపోయింది. ఇక సదా ఎక్స్ప్రెషన్స్ మీద అఖిల్ కూడా రీసెంట్ గా ఒక పోస్ట్ పెట్టాడు.