సూపర్ సీరియల్ ఛాంపియన్ షిప్ ప్రోమో రిలీజ్ అయ్యింది. ఈ ఎపిసోడ్ కి జానకిరామయ్య గారి మనవరాలు వెర్సెస్ పడమటి సంధ్యారాగం సీరియల్స్ పోటీ పడుతున్నాయి. ఇక ఇందులో జ్యోతక్క కూడా వచ్చింది. అప్పుడు ఒక సీరియల్ యాక్టర్ ని పిలిచిన హోస్ట్ అంబటి అర్జున్ "పక్కా విలేజ్ నుంచి వచ్చిన వాళ్ళు ఎవరు అనుకుంటున్నారు చెప్పు" అనేసరికి అతను శివజ్యోతి గారు అన్నాడు. "పక్కా ఊరోళ్ళే అంటారు" అన్నాడు అర్జున్. "డౌటా" అని కసిరింది జ్యోతక్క. "మరి ఇదేంటండి" అంటూ బ్యాక్ గ్రౌండ్ లో వెస్ట్రన్ స్టైల్ లో రెడీ అయ్యి ఫొటోస్ దిగిన జ్యోతక్క పిక్స్ వేసి చూపించాడు. దాంతో జ్యోతక్క షాకయ్యింది. "మరి పట్నం వచ్చిన పతివ్రత గెటప్ ఏటి" అని అడిగాడు. అష్షు రెడ్డి ఆ పిక్స్ చూసి అమ్మబాబోయ్ అనుకుంది.

ఆ తర్వాత ఆ పిక్స్ చూసి ఆమె కూడా నవ్వుకుంది. ఆ తరువాత "మా టీమ్ తో పోటీ అంటే పోచమ్మ గుడి ముందు పొటెల్ని కట్టేసినట్టే" అంది శివజ్యోతి. తర్వాత ఈ రెండు సీరియల్స్ వాళ్లకు టాస్కులు ఇచ్చారు. ముంజల్ని ఇచ్చి కాయలు కొట్టుకుని వాళ్ళే అన్నీ ఫినిష్ చేసేటట్టు. తర్వాత బిందెలతో బాల్స్ తెచ్చి ఒక బాక్స్ లో వేయడం ఇలా. ఐతే రెండు గ్రూప్స్ రూల్స్ ని అతిక్రమించాయి అంటూ అర్జున్ చెప్పాడు. దాన్ని కూడా చూపించాడు. ఇక సీరియల్ నటులైతే ఇవన్నీ తెలిసినప్పుడు ముందే ఆపేయాలి ఇప్పుడు చెప్పడం ఏమిటి అంటూ అడిగారు. బాల్స్ లైన్స్ టచ్ చేసారు అంటూ రెండు సీరియల్స్ వాళ్ళు అరుచుకుంటుండేసరికి అంబటి అర్జున్ కూడా ఇంకా గట్టిగా అరిచాడు. ఆ అరుపుకు అందరూ షాకైపోయారు. ఆ తర్వాత ఈ గేమ్ డ్రా అయ్యిందని చెప్పేసరికి జానకిరామయ్య గారి మనవరాలు టీమ్ వాళ్ళు షో నుంచి వాకౌట్ చేస్తాం అంటూ బెదిరిస్తూ మైక్ కూడా కింద పారేసి వెళ్లిపోయారు.