శేఖర్ మాష్టర్ అంటే టాలీవుడ్ లో తెలియని వాళ్ళు లేరు. ఈయన ఎన్నో సాంగ్స్ కి కొరియోగ్రాఫ్ చేశారు. అవి సూపర్ డూపర్ హిట్ కూడా అయ్యాయి. శేఖర్ మాష్టర్ సాంగ్ అంటే అందులో ఒక హుక్ స్టెప్ ఉంటుంది. ఆయనకు ఎన్ని మంచి కామెంట్స్ వచ్చాయో అన్నే నెగటివ్ ట్రోలింగ్స్ కూడా వచ్చాయి. అలాగే తన లైఫ్ లో బ్రేక్ ఇచ్చిన సాంగ్ ఎదో కూడా ఒక ఇంటర్వ్యూలో చెప్పారు. "ఇండస్ట్రీలోకి ఎంటర్ ఐన కొత్తల్లో సుధీర్ బాబు నటించిన ఎస్.ఎం.ఎస్ మూవీకి కొరియోగ్రాఫ్ చేసాను. ఆ మూవీ ద్వారా నన్ను నేను ప్రూవ్ చేసుకున్నా. ఐతే అప్పటికే హైదరాబాద్ వచ్చి చాలా టైం స్పెండ్ చేశా. మా ముందు బాచ్ వాళ్లకు అవకాశాలు వస్తున్నాయి. పెద్ద పెద్ద ఆఫర్స్ వస్తున్నాయి..నాకు మాత్రం బ్రేక్ దొరకడం లేదు. ఎంత కష్టపడుతున్నా ఉపయోగం ఉండడం లేదు వెళ్ళిపోదాం అనుకున్న టైములో బన్నీ గారు ఫోన్ చేశారు. నేను సాంగ్ ఇస్తాను నాకు మా డైరెక్టర్ త్రివిక్రమ్ గారికి నచ్చితే ఓకే చేస్తాం అన్నారు.

నాకు అదే మహాప్రసాదం అనుకుని వెళ్లాను ఆ సాంగ్ ఓకే అయ్యింది. అదే జులాయి మూవీలో సాంగ్ "లాయి లాయి ..మేహూ జులాయి" సాంగ్ కి కొరియోగ్రాఫ్ చేసాను. అదే టైములో తారక్ సర్ ది బాద్షా మూవీ ఆఫర్ కూడా వచ్చింది. అది "సైరో" సాంగ్. అలా జులాయి సాంగ్ తో బ్రేక్ వచ్చింది. ఇక వెనక్కి తిరిగి చూసుకోలేదు. నేను ఏ పాట చేసినా రెండు, మూడు ఒప్షన్స్ ని నా హీరోస్ కి డైరెక్టర్స్ కి చూపిస్తాను. వాళ్ళ బాడీ మ్యానరిజానికి తగ్గట్టు చేస్తాను. అందరూ ఓకే అంటేనే చేస్తాను. కొంతమంది మాత్రం నెగటివ్ గా కావాలనే ట్రోల్ చేస్తూ ఉంటారు. నేను ఏ సాంగ్ చేసినా హుక్ స్టెప్, సిగ్నేచర్ స్టెప్ ఉండాలని అనుకుంటా. ప్రతీ సాంగ్ లో క్యాచీగా ఉండే ఒక హుక్ స్టెప్ అందరూ ఈజీగా చేసేదిగా ఒకటి కంపోజ్ చేస్తాను. లక్కీగా అందరూ అది ఫాలో అవుతూ ఉంటారు. సాంగ్ కి ఎం కావాలి, హీరో హీరోయిన్ బాడీ ఏ సాంగ్ కి సెట్ అవుతుందో చూసుకుని అది కంపోజ్ చేస్తాను. ఒక్కో సారి అప్పటికప్పుడు కూడా సాంగ్స్ కంపోజ్ చేయాల్సి వస్తుంది. అలా చేసిన సాంగ్స్ కూడా హిట్ అయ్యాయి." అని చెప్పారు.