ఆర్జే కాజల్ .. తన వాయిస్ తో కోట్లాది మందికి పరిచయమైంది. సోషల్ మీడియాలో తనకు క్రేజ్ మాములుగా లేదనే చెప్పాలి. బిగ్ బాస్ సీజన్-5 ముందువరకు తన వాయిస్ తో బిగ్ బాస్ రివ్యూలు చెప్పిన కాజల్.. బిగ్ బాస్ సీజన్-5 లో ఎంట్రీతో లైవ్ లో తన నడవడితో తనకున్న ఫ్యాన్ బేస్ ని పెంచుకుంది. బిగ్ బాస్ హౌజ్ లో ఉన్నప్పుడు షణ్ముఖ్, సిరిలతో మొదటి నాలుగు వారాలు కలిసి ఉన్న కాజల్ ఆ తర్వాత వారికి దూరమైంది. ఆ తర్వాత హౌస్ లో టాప్-6 లో ఉన్న కాజల్.. ఎలిమినేట్ అయి టాప్-5 కి దూరమైంది. బయటకొచ్చాక తనకి సినిమా అవకాశాలు పెరిగాయి.

ఆర్జే కాజల్ తనకు సంబంధించిన విషయాలని ఇన్ స్టాగ్రామ్ లో రెగ్యులర్ గా షేర్ చేస్తుంటుంది. అదే కాకుండా తన యూట్యూబ్ ఛానెల్ లో కూడా వ్లాగ్ లుగా అప్లోడ్ చేస్తుంటుంది. అయితే తాజాగా తను ఫ్యామిలీతో కలిసి ఒక ట్రిప్ ప్లాన్ చేసి వ్లాగ్ చేయగా దానికి మంచి వ్యూస్ వచ్చాయి. అలాగే తాజాగా తన యూట్యూబ్ ఛానెల్ లో 'క్రేజీ టాక్స్ విత్ ఆర్జే కాజల్' ని స్టార్ట్ చేసింది.

క్రేజీ టాక్స్ విత్ ఆర్జే కాజల్ లో అమర్ దీప్ చౌదరి పార్టిసిపేట్ చేసాడు. ఉయ్యాలా జంపాలా సీరియల్ తో టీవీరంగంలోకి ఎంట్రీ ఇచ్చిన అమర్ దీప్.. సిరి సిరి మువ్వలు సీరియల్ తో హిట్ ని సొంతం చేసుకున్నాడు. "జానకి కలగనలేదు" సీరియల్ తో ఇప్పుడు సక్సెస్ అయ్యాడు. ఈ సీరియల్ తోనే అమర్ దీప్ కి క్రేజ్ వచ్చింది . ఇన్ స్టాగ్రామ్ లో అమర్ దీప్ పేరు మీద ఫ్యాన్ పేజీలు కూడా ఉన్నాయి. ఇలా ప్రస్తుతం ట్రెండింగ్ లో ఉన్న నటులలో అమర్ దీప్ కూడా ఉన్నాడు.

అయితే తాజాగా 'క్రేజీ టాక్స్ విత్ కాజల్' లో కాజల్ కొన్ని ఆసక్తికరమైన ప్రశ్నలు అమర్ దీప్ ని అడిగింది. తెలుగు హీరోలలో ఎవరు డాక్టర్ బాబు రోల్ కి సెట్ అవుతారని కాజల్ అడుగగా.. రామ్ పోతినేని అని అమర్ దీప్ రిప్లై ఇచ్చాడు. మహేశ్ కాళిదాస్, మానస్ ఇద్దరిలో ఎవరు బెటర్ యాక్టర్ అని కాజల్ అడుగగా.. మానస్ అని సమాధానమిచ్చాడు అమర్ దీప్. విష్ణుప్రియ, అరియాన ఈ ఇద్దరిలో నువ్వు ఫోన్ చేస్తే ఫస్ట్ రింగ్ కే ఎవరు ఎత్తేస్తారని అడుగగా.. అరియాన అని అమర్ దీప్ చెప్పాడు. కాజల్, అమర్ దీప్ ఇద్దరు అలా కాసేపు సరదగా మాట్లాడుకున్నారు