English | Telugu
నాగార్జున చెప్పిన కుడి ఎడమైతే అర్థం ఏంటో తెలుసా?!
Updated : Jul 18, 2023
బిగ్ బాస్ సీజన్-7 ప్రోమో రానే వచ్చింది. ఎప్పుడెప్పుడ అని బిగ్ బాస్ ఫ్యాన్స్ ఎదురుచూస్తున్నారు. అయితే ఈ ప్రోమోలో నాగార్జున 'కుడి ఎడమైతే పొరపాటే లేదోయ్' అని పాడి ఆపేశాడు. దీని వెనుక ఏదో ఉందని తెలుస్తోంది.
అదేంటంటే ఇప్పటివరకు బిగ్ బాస్ ఆరు సీజన్లు ఒకే ఫార్మట్ లో జరిగింది. ఈసారి ఆ జరిగే ప్రక్రియను, ఇందులో ఇచ్చే టాస్క్ లని, వీక్ ఎలిమినేషన్, కంటెస్టెంట్స్ ఎంట్రీ అంతా మార్చేస్తారేమో. మరి కొత్తగా ఏం చేస్తారంటే.. ప్రస్తుతం ట్రెండింగ్ లో ఉన్న సెలబ్రిటీలను తీసుకోవచ్చు. ఫలానా కేటగిరీ అంటూ ఏం లేకుండా సోషల్ మీడియాలో ఎక్కువ ట్రెండింగ్ లొ ఉండి, కంటెంట్ ఇచ్చే కంటెస్టెంట్స్ ని బిగ్ బాస్ సీజన్-7 కి సెలెక్ట్ చేసేలా ఉన్నారు. ఇంకా ఆ గేమ్స్ కూడా అవే పాత రొట్ట గేమ్స్ కాకుండా ఎవరూ ఊహించని గేమ్స్, ఛాలెంజెస్ ఇస్తారు కావచ్చు.
బిగ్ బాస్ ప్రతీ సీజన్ లో మిడ్ వీక్ ఎలిమినేషన్, టికెట్ టూ ఫినాలే, ఫ్యామిలీ మీట్, హోటల్ టాస్క్, చేపల టాస్క్, ఇలా అన్నీ కామన్ గా ఉంటున్నాయి. గత సీజన్ లో అయితే ఎంటర్టైన్మెంట్ లేదని కంటెస్టెంట్స్ ని బయటకు పంపే పరిస్థితి వచ్చింది. ఇది ఈ సీజన్ కూడా ఇలాగే సాగితే బిగ్ బాస్ కి టీఆర్పీ తగ్గిపోతుందని భావిస్తున్నట్టున్నారు మేకర్స్. దాంతో ఈ సారి పెద్ద ఎత్తున ప్లాన్ చేసినట్టు తెలుస్తుంది. నాగార్జున చెప్పిన 'కుడి ఎడమైతే పొరపాటు లేదోయ్' అన్న దానికి అర్థం ఏంటో తెలియాలంటే మరికొన్ని రోజులు వేచి చూడాల్సిందే.