లాక్‌డౌన్ కార‌ణంగా బిగ్‌బాస్ సీజ‌న్ 4 కొంత ఆల‌స్యంగా మొద‌లైన విష‌యం తెలిసిందే. అయితే ఈ షోలో పాల్గొ‌న్న వాళ్ల‌లో చాలా వ‌ర‌కు యూట్యూబ్‌లో పాపుల‌ర్ అయిన వాళ్లే అయినా బుల్లితెర‌కు చాలా కొత్త ముఖాలు. దీంతో షో ప్రారంభ రోజుల్లో చాలా వ‌రకు నెగెటివ్ టాక్ వినిపించింది. త‌రువాత బిగ్ బాస్ నిర్వాహ‌కులు వేసిన ల‌వ్ ట్రాక్ మంత్రాతో సీజ‌న్ ‌4 గాడిలో ప‌డి కొత్త వొర‌వ‌డిని సృష్టించింది.

ముఖ్యంగా మోనాల్‌, అఖిల్‌ల ప్రేమాయ‌ణం ఈ షోలో ప్ర‌ధాన హైలైట్‌గా నిలిచింది. ముందు అభిజీత్‌తో పులిహోరక‌ల‌పాల‌ని మోనాల్ ట్రై చేసింది. మోనాల్ డ‌బుల్ ట్రాక్ అర్థం కావ‌డంతో అభిజీత్ త‌న పంథాని మార్చుకుని మోనాల్‌ని దూరం పెట్టాడు.. అప్పుడు అఖిల్‌ని లైన్‌లోకి దించేసింది మోనాల్. వీరిద్ద‌రి ప్రేమాయ‌ణం సీజ‌న్ ఎండ్ వ‌ర‌కు ర‌స‌వ‌త్త‌ర మ‌లుపులు, గిల్లిక‌జ్జాల‌తో సాగి హాట్ టాపిక్‌గా మారిపోయింది.

టాప్ 5కి ముందే మోనాల్ హౌస్ నుంచి బ‌య‌టికి వ‌చ్చేసింది. అఖిల్ మాత్రం ఫైన‌ల్ వ‌ర‌కు వెళ్లి ర‌న్న‌ర‌ప్‌గా మిగిలిపోయాడు. వీరిద్ద‌రి మ‌ధ్య ప్రేమాయ‌ణం సీజ‌న్ 4 అయిపోయినా ఇంకా న‌డుస్తూనే వుంద‌ట‌. ఈ విష‌యం 'బిగ్‌బాస్ ఉత్స‌వం'పేరుతో శ్రీ‌ముఖి యాంక‌ర్‌గా వ్య‌వ‌హ‌రిస్తున్న కార్య‌క్ర‌మంలో గ‌త ఆదివారం ప్ర‌సా‌ర‌మైన ఎపిసోడ్‌లో బ‌ట్ట‌బ‌య‌లైంది.

గంగ‌వ్వ‌, శ్రీ‌ముఖి వీరి సీక్రెట్ ల‌వ్‌స్టోరీని బ‌య‌ట‌పెట్టేశారు. దీన్ని నిజం చేస్తూ మోనాల్ గంగ‌వ్వ‌కు చీర పెట్టేసింది. "దీన్ని ఎప్పుడు క‌ట్టుకుంటావ్ మోనాల్.. పెళ్లికా?" అ‌ని శ్రీ‌ముఖి అడిగితే "ఎందుకు? అఖిల్ కొనిస్తాడు"అంటూ అస‌లు సీక్రెట్ బ‌య‌ట‌పెట్టేసింది గంగ‌వ్వ. అంటే అఖిల్‌, మోనాల్ ల‌వ్ ట్రాక్ నిజ‌మేన‌న్న మాట‌. మ‌రి ఆ ట్రాక్ నిజంగానే పెళ్లి దాకా వ‌స్తుందా? చూడాలి..