బిగ్ బాస్ సీజన్-7 లో ఒక్కో కంటెస్టెంట్స్ ఒక్కో‌ స్ట్రాటజీతో ముందుకెళ్తున్నారు. ఉల్టా పుల్టాతో హౌస్ లో ప్రతీవారం ఒక్కో ట్విస్ట్ ఇస్తున్నాడు బిగ్ బాస్. ప్రస్తుతం ఓట్ అప్పీల్ కోసం హౌస్ మేట్స్ కి భిన్నమైన టాస్కు లు ఇస్తున్నాడు ‌బిగ్ బాస్. దీంతో స్పై బ్యాచ్, స్పా బ్యాచ్ మధ్య వార్ సాగుతుంది.

ఇక శోభాశెట్టిని ఎలిమినేట్ చేయాలంటూ గత కొన్నివారాలుగా ఆడియన్స్ తనకి అసలు ఓట్లే వేయకుండా లీస్ట్ లో ఉంచినా బిగ్ బాస్ సేవ్ చేస్తూ వస్తున్న సంగతి తెలిసిందే. ఇక శోభాశెట్టి ఎలిమినేషన్ కోసం ఎదురుచూసి, చూసీ జనానికి చిరాకు వచ్చేసింది. ఎంత చిరాకు వచ్చిందంటే.. ఫినాలే వీక్‌లో మొత్తానికి ఓట్లు వేయడమే మానేస్తున్నారు. శోభాశెట్టి వరుస సేవింగ్‌లతో ఎలిమినేషన్, ఓటింగ్‌లపై జనానికి నమ్మకం పోయింది. మనం ఓట్లేసిన బిగ్ బాస్ వాటిని లెక్కలోకి తీసుకోడుగా, అలాంటప్పుడు ఓట్లేసి ప్రయోజనం ఏముందని ఫినాలే వీక్‌లో ఓట్లు వేయడానికి జనం ఇష్టపడటం లేదు. ప్రతి సీజన్‌లో అయితే.. పోటీ పడి ఓట్లు గుద్దేవారు చివరి వారాల్లో కానీ శోభాదెబ్బకి ఓట్లు వేయడానికి బిగ్ బాస్ రెగ్యులర్ గా చూసే ప్రేక్షకులు ఇష్టపడటం లేదు.

ఇక శోభాశెట్టి ఎలిమినేటెడ్ అనే వార్త వినడం కోసం జనాలు కళ్ళల్లో ఒత్తులు వేసుకొని మరీ ఎదురుచూస్తున్నారు. ఎంతలా అంటే బిగ్ బాస్ ప్రోమో రిలీజ్ అయితే చాలు.. శోభాశెట్టి ఎలిమినేట్ అవ్వాలని ఎంతమంది కోరుకుంటున్నారంటూ తెగ కామెంట్లు చేస్తున్నారు. ఒక సీజన్‌లో ఇంత నెగెటివిటి ఉన్న కంటెస్టెంట్ ని ఇన్నివారాలు ఉంచడం ఇదే తొలిసారి. మరి బిగ్ బాస్ మామ తన దత్తపుత్రిక ఈ వారం పంపిస్తాడా లేక మరోసారీ జనాల ఓటింగ్ ని పక్కన పెడతాడా చూడాలి. అయితే తాజాగా సోషల్ మీడియాలో లీక్ అవుతున్న సమాచారం ప్రకార శోభాశెట్టి, ప్రియాంక జైన్ ల జర్నీ వీడియోలని కూడా రెడీ చేసారని వార్త నెట్టింట చక్కర్లు కొడుతుంది.