స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ సోమవారం నాటి ఎపిసోడ్‌-757 లో రిషి గురించి శైలేంద్ర, దేవయాని మాట్లాడుకునేటప్పుడు జగతి వింటుంది. వారి గురించి రిషికి చెప్తానని బయల్దేరగా.. ఏంటి ఇప్పుడు నీకు భయపడాలా?.. రిషి చివరి క్షణాలు చూడటానికి వెళ్తున్నావా పిన్ని అని శైలేంద్ర అనగానే.. ఒక్కసారిగా ఆగిపోతుంది జగతి.

ఆ తర్వాత జగతితో ఇద్దరు మాట్లాడుతుంటారు. మేం చెప్పేదే రిషి వింటాడు.. నువ్వు చెప్పింది వినడు.. విన్నా పట్టించుకోడు.. ఒకవేళ పట్టించుకున్నా తన ప్రాణాలకే ప్రమాదం అని దేవయాని అంటుంది. మీ నిజస్వరూపాన్ని, మీ కుట్రలని నేను రిషికి చెప్తాను.. రిషి నా మాట వింటాడు.. తనతో చెప్పి మీ అంతు చూసేలా చేస్తానని జగతి అంటుంది. దాంతో శైలేంద్ర జరుగబోయేది చెప్తాడు. ఒకవేళ నువ్వు రిషికి చెప్తే ఎప్పుడు ఏ క్షణం ఏం జరుగుతుందో నాకైతే తెలియదు. DBST కాలేజ్ ఎండీ పోస్ట్ నాకు కావాలి. ఆ పదవి నుండి రిషిని తప్పించి.. ఎక్కడికైనా పంపించు లేదా రిషి, వసుధారలకి పెళ్ళి చేసి దూరంగా పంపించు.. అప్పుడు మిమ్మల్ని వదిలేస్తానని శైలేంద్ర అంటాడు. దానికి ఏం మాట్లాడకుండా అలాగే ఉండిపోతుంది జగతి. రిషి ప్రాణాలా? కాలేజా? తేల్చుకోండి.. వాడిని దూరంగా తీసుకెళ్ళి వాడి ప్రాణాలను కాపాడుకో.. ఒంటరిగా కూర్చొని జాగ్రత్తగా ఆలోచించుకో.‌. కన్నీళ్ళు వస్తుంటాయి.. గుండెపగిలినట్టు అనిపిస్తుంది. ‌ అయినా సరే బాధలోనే సరైన నిర్ణయం తీసుకోవచ్చని శైలేంద్ర అంటాడు.

ఆ తర్వాత జగతి వెళ్తుంది. కాసేపటికి జగతి గదిలోకి మహేంద్ర వస్తాడు. అటుఇటు చూస్తాడు.. ఎక్కడ జగతి కనిపించకపోవడంతో వసుధార దగ్గరికి వెళ్తాడు. అక్కడ తన గదిలో ఉండదు. ఆ తర్వాత జగతి కోసం మహేంద్ర, వసుధార కలిసి రిషి గదికి వస్తారు. రిషి గదిలో కూడా లేకపోవడంతో అందరూ టెన్షన్ పడతారు. ఇక టెర్రస్ మీద మీరిద్దరు చూడండి.. నేను బయట చూస్తానని మహేంద్ర, వడుధారలతో రిషి చెప్తాడు. టెర్రస్ పైకి వెళ్ళేసరికి.. జగతి ఏడుస్తుంటుంది. వసుధార, మహేంద్రలు తనని చూసి.. ఏమైంది ఎందుకు ఏడుస్తున్నావని అడిగినా తనేం చెప్పదు.. ఏడుస్తూనే ఉంటుంది. కాసేపటికి రిషి టెర్రస్ మీదకి వస్తాడు. రిషిని చూసిన జగతి ఏడ్చుకుంటూ రిషిని చూసి.. తన దగ్గరికి పరిగెత్తుకుంటూ వెళ్ళి హగ్ చేసుకొని ఏడుస్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.