ఏమండోయ్ రెడ్డి గారు ఏంటిది.. మీరు నా జీవితంలోకి రాకముందు నాకొక లైఫ్ ఉంది కదా అదే ఇది.. అని ప్రసాద్ బెహరా మాటలతో " రెడ్డిగారు" సిరీస్ మొదలైంది.

ప్రశాంత్ రగతి రాసిన ఈ కథకి జెడీవి ప్రసాద్ దర్శకత్వం వహించాడు. శ్రీజ రెడ్డి, చందు జెసి, జెడీవీ ప్రసాద్, సాత్విక్ జి రాయ్ ప్రధాన పాత్రలుగా ఈ సిరీస్ మొదలైంది. 'మా విడాకులు' వెబ్ సిరీస్ తో ప్రసాద్ బెహరా, విరాజిత యూట్యూబ్ లో ఓ ట్రెండ్ సెట్ చేశారు. ప్రసాద్‌ బెహరా కామెడీ టైమింగ్ , డైలాగ్ డెలివరీ కోసం ఎంతోమంది నెటిజన్లు తను చేసిన ఈ మా విడాకులు వెబ్ సిరీస్ లోని అన్ని ఎపిసోడ్ లని చూసి ఆదరించారు. అదేవిధంగా విరాజిత, ప్రసాద్ బెహరా, ఇంకా కొంతమంది కలిసి 'పెళ్ళి వారమండి' అనే వెబ్ సిరీస్ ని స్టార్ట్ చేశారు. ఇది మొత్తంగా పది ఎపిసోడ్ లతో సూపర్ హిట్ అందుకుంది. దీంతో ప్రసాద్ బెహరాకి సినిమా అవకాశాలు గట్టిగానే వస్తున్నాయి. ‌ఇక ఈ సిరీస్ లో ప్రసాద్ బెహరాతో సరిసమానంగా చేసిన రెడ్డిగారు అలియాస్ జెడీవీ ప్రసాద్ నటనకి మంచి మార్కులే పడ్డాయి. అందుకే ఇతను కొత్తగా "రెడ్డి గారు" అనే సిరీస్ ని మొదలెట్టాడు.

ఈ సిరీస్ యూట్యూబ్ లో రిలీజ్ అయి కేవలం అయిదు రోజులో అయింది కానీ తొమ్మిది లక్షల వ్యూస్ తెచ్చుకుంది. దీన్ని బట్టి ఇది ఎంత హిట్ అవుతుందో తెలిసిపోతుంది. ఇక ఈ సిరీస్ లో రెడ్డి బిటెక్ చదివి ఉద్యోగం కోసం చాలా కష్టాలు పడుతుంటాడు. అయిదు సంవత్సరాలు ఫేక్ ఎక్స్ పీరియన్స్ పెట్టి జాబ్ కోసం ప్రయత్నిస్తుంటాడు. రెడ్డిగారి వాళ్ళ నాన్న ఊళ్ళో బాగా అప్పులు చేయడం.. రెడ్డికి ఇద్దరు చెల్లెళ్ళు ఉండటంతో.. అతనిమీద కుటుంబ భారం పడుతుంది. అదేసమయంలో రెడ్డికి ఓ జాబ్ వస్తుంది. ఆ తర్వాత ఏం జరిగిందనేదే మిగతా కథ. యూట్యూబ్ ట్రెండింగ్ లో ఉన్న ఈ వెబ్ సిరీస్ ని చూడకపోతే ఓసారి చూసేయ్యండి.