మెరీనా, రోహిత్ సాహ్ని.. బుల్లితెర సీరియల్స్ చూసే ప్రేక్షకులకు సుపరిచితమే. మెరీనా అబ్రహం గోవాలోని క్రిస్టియన్ ఫ్యామిలీలో‌ జన్మించగా.. రోహిత్ ని పెళ్ళి చేసుకొని హైదరాబాద్ లో ఉంటుంది. అప్పట్లో జీ తెలుగులో ప్రసారమయైన 'అమెరికా అమ్మాయి' సీరియల్ లో కళ్యాణిగా నటించి ప్రేక్షకులను మెప్పించింది. రోహిత్ కూడా సీరియల్స్ లో నటించాడు. నీలి కలువలు, అభిలాష సీరియల్స్ తో పాపులర్ అయ్యాడు. రోహిత్-మెరీనా ఇద్దరు కలిసి 'డ్యాన్స్ జోడి డ్యాన్స్' లో కూడా పాల్గొన్నారు.

అలా బుల్లితెరపై ఫేమస్ అయిన వీరిద్దరికి బిగ్ బాస్ లో 'రియల్ కపుల్' కోటాలో అవకాశం లభించింది. మెరీనా రోహిత్ బిగ్ బాస్ లో జంటగా అడుగుపెట్టి.. ఇద్దరు మంచి ప్రవర్తనతో ఫ్యామిలీ ప్రేక్షకులకు దగ్గర అయ్యారు. అయితే రోహిత్ ని ఫ్యామిలీ మ్యాన్ అని అంటారు. రోహిత్ లోని డీసెంట్ నెస్, కూల్ అండ్ కామ్ ప్రవర్తన వల్ల బిగ్ బాస్ సీజన్-6 లో టాప్ 5 కంటెస్టెంట్స్ లో ఒకడిగా నిలిచాడు. బిగ్ బాస్ నుండి వచ్చాక బిబి జోడీలో కూడా డ్యాన్స్ చేశారు. అయితే వీరిద్దరు తమ డాన్స్ తో అందరిని అంతగా మెప్పించలేకపోయారు. దాంతో బిబి జోడి నుండి ఎలిమినేట్ అయ్యారు. బిగ్ బాస్ హౌస్ లో రోహిత్ భార్యపై చూపించే ప్రేమ కేరింగ్ కి అందరూ ఫిదా అయ్యారు. దాంతో అతడికి ఫ్యాన్ బేస్ పెరిగింది.

రోహిత్ సోషల్ మీడియాకి ఎప్పుడు దూరంగా ఉంటాడు. కానీ మెరీనా ఎప్పటికప్పుడు తమకి సంబంధించిన విషయాలని ఇన్ స్టాగ్రామ్ లో షేర్ చేస్తుంటుంది. నిన్న జరిగిన కీర్తిభట్, కార్తిక్ ల ఎంగేజ్ మెంట్ ని దగ్గరుండి ఫోటోలు, వీడియోలు తీసే భాద్యతని మెరీనా, రోహిత్ లకి అప్పగించింది కీర్తిభట్. దాంతో వీళ్ళిద్దరు కలిసి అటు ఎంగేజ్ మెంట్ కి వచ్చిన బిగ్ బాస్ సీజన్-6 కంటెస్టెంట్స్ ని రిసీవ్ చేసుకోవడం.. ఇటు ఫోటోషూట్ చూసుకోవడం.. ఇలా ఫుల్ బిజీ అయ్యారు ఇద్దరు. అయితే కీర్తిభట్, కార్తిక్ ల ఎంగేజ్ మెంట్ వీడియోని మెరీనా తన యూట్యూబ్ ఛానెల్ ' మెరీనా వరల్డ్' లో అప్లోడ్ చేసింది. ఇలా అందరిని ఒకేసారి కలవడం హ్యాపీగా ఉందంటూ మెరీనా రోహిత్ చెప్పారు. ఎక్కడెక్కడో ఉన్న కంటెస్టెంట్స్ అందరిని ఒకేసారి చూడటం బిగ్ బాస్ సీజన్-6 అభిమానులకు కన్నుల పండుగలా అనిపిస్తుంది. ఫైమా, రాజ్, ఆదిరెడ్డి, నేహా చౌదరి, మెరీనా-రోహిత్, శ్రీసత్య, అర్జున్ కళ్యాణ్ ఇలా అందరు వచ్చి కీర్తిభట్ ఎంగేజ్ మెంట్ లో సరదగా ఎంజాయ్ చేసారు. కాగా యూట్యూబ్ లో అప్లోడ్ చేసిన ఈ వ్లాగ్ కి ఇప్పుడు విశేష స్పందన లభిస్తుంది.