స్టార్ మా టీవీలో ప్రసారమవుతున్న సీరియల్ 'కార్తీకదీపం 2 '. ఈ సీరియల్ గురువారం నాటి ఎపిసోడ్ -94 లో..... దీప కోసం కార్తిక్ వెతుకుతుండగా.. ఒక దగ్గర దీప కన్పిస్తుంది. దీపతో కార్తీక్ మాట్లాడాలని ట్రై చేస్తాడు. తనని తప్పుగా అర్ధం చేసుకుంటున్నావని అంటాడు. నేను శౌర్యని వాని నుండి కాపాడడం కోసం అలా చేసానని కార్తీక్ చెప్తాడు. మీరు అంతలా నా బిడ్డ గురించి ఆలోచించారు కదా మరి నా గురించి ఎందుకు ఆలోచించలేదని దీప అడుగుతుంది.

శౌర్య నా కూతురని మీరు చెప్పారు. ఆ నరసింహ దృష్టిలో నేను మీకు ఏమవుతాను.. అది ఆలోచించారా? నన్ను ఎలా చూస్తారని దీప ఎమోషనల్ అవుతుంది. ప్లీజ్ ఇంకోసారి మీరు మా జీవితంలోకి అడుగుపెట్టకండి. ఇప్పుడు నా వెనకాలే వచ్చి నేను ఉండే ఇల్లు తెలుసుకొని సుమిత్ర గారిని తీసుకొని రాకండి.. అలా చేస్తే ఊరు నుండే వెళ్లిపోతామని కార్తీక్ కి దీప చెప్పి వెళ్ళిపోతుంది. నువ్వు నన్ను అర్థం చేసుకుంటావ్ దీప.. నాకు తెలుసని కార్తీక్ అనుకుంటాడు. మరొకవైపు శౌర్య, దీపలున్న ఇంటివైపు చూస్తూ మనసు మార్చుకొని వస్తుందేమోనని తన ఇంటివైపే చూస్తున్నా కానీ దీప రాలేదని దశరత్ తో సుమిత్ర అంటుంది. నా సొంత కూతురు దూరంగా వెళ్ళిపోయినట్టు అనిపిస్తుందని సుమిత్ర ఏడుస్తుంది. మరోకవైపు దీప ఇడ్లీలు అమ్మడానికి వెళ్తుంటే.. అమ్మ నేను కూడా వస్తాను.. లేదంటే లోపల నన్ను ఉంచి బయటవైపు గడియ పెట్టి వెళ్ళమని శౌర్య అంటుంది. ఎందుకని దీప అడుగుతుంది. కార్తీక్ నాకు గుర్తుకొస్తున్నాడు కదా.. ఒకవేళ వెళ్లిపోతానేమో అందుకేనని శౌర్యా అంటుంది. నువ్వు ప్రతిసారీ కార్తీక్ అని అనకు.. మర్చిపోమని శౌర్యతో దీప అంటుంది.

మరొకవైపు కార్తీక్ దగ్గరికి జ్యోత్స్న వస్తుంది. ఇండైరెక్ట్ గా నాకు నీ గురించి ఒక సీక్రెట్ తెలుసని అంటుంది కానీ చెప్పదు. జ్యోత్స్న ఇలా మాట్లాడుతుంది.. ఆ రోజు జరిగింది చూసిందా అని కార్తీక్ అనుకుంటాడు. మరొకవైపు దీప ఇడ్లీలు అమ్ముతుంటే నర్సింహా ఎదురుపడతాడు. దీప, కార్తీక్ ల గురించి తప్పుగా మాట్లాడుతుంటే.. నర్సింహ కాలర్ పట్టుకొని దీప వార్నింగ్ ఇస్తుంది. నిన్ను మాత్రం వదిలిపెట్టనని నరసింహ అనుకుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.