పెళ్ళి అంటే వేదమంత్రాల సాక్షిగా ఇరు కుటుంబాలు, బంధుమిత్రుల సమక్షంలో అంగరంగవైభవంగా జరుగుతుంది. దేవాదిదేవుళ్ళే భువిపైకొచ్చి పెళ్ళికొడుకు పెళ్ళికూతురిని ఆశీర్వదిస్తారని మన నమ్మకం. మరి అలాంటి మన నమ్మకాలని, సంప్రదాయాలని హేళన చేస్తూ మరో కొత్త నాటకం మొదలెట్టారు బిగ్ బాస్ ప్రియాంక- శివ్ కుమార్.

జానకి కలగనలేదు సీరియల్ ద్వారా తెలుగు ప్రేక్షకులకి దగ్గర అయింది ప్రియాంక. బిగ్ బాస్ సీజన్ సెవెన్ లో మొదటి కంటెస్టెంట్ గా అడుగుపెట్టి తన ఆటతీరుతో, మాటతీరుతో ఎంతో ఫ్యాన్ బేస్ సంపాదించుకుంది. హౌస్ లో ఉన్నప్పుడు సీరియల్ బ్యాచ్ గా పేరుతెచ్చుకున్న అమర్, శోభాశెట్టి, ప్రియాంక.. ఎప్పుడు కలిసి ఉండేవారు. గేమ్ అయిన బయట అయిన గ్రూపిజం చేస్తు ఉండటంతో ప్రేక్షకులలో వీరిపట్ల నెగెటివిటి పెరిగిపోయింది. దాంతో శోభాశెట్టిని గ్రాంఢ్ ఫినాలే ముందు వారంలో బయటకు పంపించారు. ఇక టాప్-5 లో ఒకరిగా ఉన్న ప్రియాంక జైన్.‌ అయిదవ కంటెస్టెంట్ గా ఎలిమినేషన్ అయి బయటకొచ్చింది. ఆ తర్వాత తన యూట్యూబ్ ఛానెల్ లో వ్లాగ్స్ చేస్తూ ట్రెండింగ్ లో ఉంటుంది. కొన్ని రోజుల క్రితం అమ్మకి క్యాన్సర్ అంటు సింపతీ డ్రామా వాడి వ్లాగ్ కి వ్యూస్ తెచ్చుకొని సొమ్ము చేసుకుంది.‌ ఇప్పుడేమో ఏకంగా పెళ్ళి చేసుకున్నామంటూ మరో వ్లాగ్ చేసి తన యూట్యూబ్ ఛానెల్ లో అప్లోడ్ చేసింది ప్రియాంక. అయితే గత కొన్నేళ్లుగా శివ్ కుమార్, ప్రియాంక జైన్ సహజీవనం చేస్తున్న విషయం అందరికి తెలిసిందే.

వీళ్ల పెళ్లికి సంబంధించి వీడియోలు.. పెట్టడం జనాల్ని మిస్ లీడ్ చేయడం వీళ్లకి ఇదే తొలిసారి కాదు. ఇంతకు ముందు చాలాసార్లు అదిగో పెళ్లి ఇదిగో పెళ్లి అంటూ వీడియోలు పెట్టి మిలియన్ల వ్యూస్‌ని రాబట్టారు. ఇప్పుడు మళ్లీ.. ‘మీకు చెప్పకుండా పెళ్లి చేసుకోవాల్సి వచ్చింది’ అంటూ పెళ్లి పేరుతో ఓ వ్లాగ్ ని తమ యూట్యూబ్ ఛానెల్ లో అప్లోడ్ చేశారు. అయితే ట్విస్ట్ ఏంటంటే.. స్టార్ మాలో ఉగాది ప్రోమో వచ్చిన తర్వాత వీళ్ల యూట్యూబ్‌లో ఆ వీడియోని అప్లోడ్ చేసి అడ్డంగా దొరికిపోయారు. పెళ్లి అయిపోయిందని ముందే వీడియో పెట్టి ఉంటే.. కాస్తో కూస్తో నమ్మేవారు. కానీ.. స్టార్ మా‌లో ఉగాది ప్రోమోలో వీళ్ల పెళ్లి యవ్వారం ముందే చూసేయడంతో.. అయ్యిందిలే పెళ్లి.. స్టార్ మా ఛానల్‌లో ఉగాది ప్రోమో చూశాంలే కానీ.. మీ డ్రామాలు ఆపండి అంటూ నెటిజన్లు సెటైర్లు వేస్తున్నారు. కాగా ఈ వీడియో ప్రస్తుతం నెట్టింట వైరల్ గా మారింది. మరి మీలో ఎంతమంది వీరి పెళ్ళి డ్రామాని చూశారు.