English | Telugu
యన్.టి.ఆర్.స్టుడియో నిర్మాణం
Updated : Dec 16, 2011
యన్.టి.ఆర్.స్టుడియో నిర్మాణంలో ఉందని విశ్వసనీయవర్గాల ద్వారా అందిన సమాచారం. వివరాల్లోకి వెళితే యువ హీరో యంగ్ టైగర్ యన్.టి.ఆర్. తన తాతగారైన విశ్వవిఖ్యాతనటసార్వభౌమ నందమూరి తారక రామారావు గారి పేర ఒక స్టుడియో కడుతున్నాడట. అది హైటెక్ సిటీకి ఓ పది కిలోమీటర్ల దూరంలోనే ఉందట. జూనియర్ యన్ టి ఆర్ మామ నార్నే శ్రీనివాసరావు తన అల్లుడికి 25 ఎకరాల స్థలాన్ని కట్నం రూపంలో ఒక భాగంగా ఇచ్చారట. ప్రస్తుతం ఆ స్థలంలోనే యన్.టి.ఆర్. తాతగారి పేరు మీద స్టుడియో నిర్మాణం చేపట్టారట.
మామూలుగా రామోజీరావు, సూపర్ స్టార్ కృష్ణ, అక్కినేని నాగేశ్వరరావు, కీర్తిశేషులు యన్. టి.ఆర్., డాక్టర్ రామానాయుడు వంటి పెద్దలు మాత్రమే స్టుడియోలను హైదరాబాద్ లో నిర్మించారు. ఇప్పటివరకూ ఏ యువ హీరో కూడా స్టుడియో నిర్మాణాన్ని చేపట్టలేదు. యువ హీరోల్లో స్టుడియో అధినేత అనిపించుకునే ఘనత ఒక్క యువ హీరో యంగ్ టైగర్ యన్.టి.ఆర్.కే దక్కుతుంది. ఈ విషయం యువ హీరో యంగ్ టైగర్ యన్.టి.ఆర్.మీడియాకు ఇంకా ధృవీకరించలేదు.