English | Telugu
"కంచె" పాటలకి "కంచె"పడ్డట్టయింది
Updated : Oct 6, 2015
సినిమాలో పాటలు హిట్టయితే సినిమా సగం హిట్టయినట్టే ఉంది ప్రస్తుత సినిమాల పరిస్థితి. సినిమాలో పాటలు బావుంటే ఆటోమెటిక్ గా వాటిని శ్రోతలు వింటారు. కాస్త స్లోగా ఉన్న పాటల కంటే కాస్తంత ఊపు ఉన్న పాటలనే ఎక్కువగా వింటారు.. నలుగురి నోళ్లలో నానుతాయి.
ముఖ్యంగా పాటల ప్రమోషన్ విషయంలో రేడియా ప్రమోట్ చేసినంత ఇంకెవరూ చేయరు. బావున్న పాటలని రిపీట్ చేస్తూ వేస్తూనే ఉంటారు. కానీ ఇప్పుడు "కంచె' సినిమా పరిస్థితి వేరేలా ఉంది. ఈ సినిమాలో పాటలు అంతలా శ్రోతలన్ని ఆకట్టుకోలేకపోయాయి. ఈ సినిమాకి చిరంతన్ భట్ అందించిన మ్యుజిక్ ఏదో నెరేషన్ లో భాగంగా ఉన్నాయే తప్పా వాటిలో అంత మేటర్ లేదని అనుకుంటున్నారు.
అంతేకాదు "కంచె" సినిమాలో పాటలని రేడియోలో ప్రమోట్ చేయడానికి కూడా అంతగా ఇంట్రెస్ట్ చూపించడం లేదట. ఇప్పుడు చేస్తుంది కూడా దర్శకుడు క్రిష్ మీద ఉన్న గౌరవంతోనే తప్ప వాటిలో మాస్ అప్పీల్ ఏం లేదని అంటున్నారట. పైగా సినిమా రిలీజ్ డేట్ కూడా వాయిదా పడటంతో ఇప్పుడు అసలు ఎఫ్.ఎం.లు "కంచె" ఆడియోని పట్టించుకోవడం లేదు సరికదా.. తిరిగి రిపీటెడ్ గా కూడా వేయడం లేదట.