హ్యపీ డేస్ సినిమాతో తెలుగు ప్రేక్షకులకి సుపరిచితుడయ్యాడు హీరో వరుణ్ సందేశ్. ఆ తర్వాత కొత్త బంగారు లోకం లాంటి కాలేజీ బ్యాక్ డ్రాప్ కథలని చేస్తూ యూత్ కి దగ్గరయ్యాడు. ఇక అప్పటి నుండి బోలెడు సినిమాలు చేశాడు. కానీ ఏవీ అంతగా హిట్ పొందలేకపోయాయి.

అయితే ఈ మధ్యకాలంలో వరుణ్ సందేశ్ థ్రిల్లర్ మూవీల మీద పడ్డాడు. ఈ ఏడాది నింద అనే హారర్ సస్పెన్స్ థ్రిల్లర్ మూవీలో నటించిన వరుణ్ సందేశ్.. పెద్దగా హిట్ పొందలేకపోయాడు. ఇక అదే తరహాలో తాజాగా 'విరాజి' అనే మూవీ చేశాడు. అధ్యంత్ హర్ష దర్శకుడిగా చేసిన ఈ మూవీ అగస్ట్ 2 న థియేటర్లలో రిలీజైంది. అయితే తాజాగా ప్రముఖ ఓటీటీ వేదిక 'ఆహా' లో ఈ మూవీ స్ట్రీమింగ్ కి వచ్చేసింది‌. అయితే ఓటీటీ వేదికలపై థ్రిల్లర్ సినిమాలకి క్రేజ్ ఎక్కువే. ఎందుకంటే స్కిప్ చేస్తూ చూసే వెసలుబాటు ఉంది కాబట్టి ల్యాగ్ ఎక్కువ అనిపిస్తే, సాంగ్స్ వచ్చినప్పుడు స్కిప్ చేసేయోచ్చు. అయితే ఇప్పుడు విరాజి ఓటీటీ ప్రేక్షకులని చేరింది.

విరాజి మూవీలో రఘు కారుమంచి, ప్రమోదిని, బలగం జయరాం కీలక పాత్రలు పోషించారు. హారర్, థ్రిల్లర్ జానర్ లో తెరకెక్కించిన ఈ సినిమా ప్రస్తుతం ఓటీటీలో అదరగొడుతుంది. అసలు ఏం ఉందో చూసేద్దాం. ఓ పాతబడిన బంగ్లాకి కొంతంది వస్తారు. డాక్టర్, ఫోటోగ్రాఫర్, సినీ నిర్మాత, స్టాండప్ కమెడియన్, పోలీసు అధికారి, ప్రముఖ జ్యోతిష్కుడు ఇలా ఒకరితో ఒకరికి పరిచయం లేని వాళ్ళంతా అక్కడికి వస్తారు. వారంతా కలిసి ఎవరికోసమో ఎదురుచూస్తుంటారు. అయితే తమకు అదే చివరి రోజు అని ఓ కార్డుపై రాసి పెట్టి ఉంటుంది. అది చూసి అక్కడికి వచ్చినవాళ్ళంతా భయంతో ఉంటారు. కాసేపటికి అక్కడికి మత్తులో ఉన్న ఆండ్రీ(వరుణ్ సందేశ్) వస్తాడు. ఆండ్రీ వచ్చాక అక్కడ ఏం జరిగింది? అసలు వారందరు అక్కడికి ఎందుకు వచ్చారు? ఆ బిల్డింగ్ లో ఉంది దెయ్యామా లేక మనిషా తెలియాలంటే ఈ సినిమా చూడాల్సిందే. 'ఆహా' లో స్ట్రీమింగ్ అవుతున్న ఈ థ్రిల్లర్ మూవీని ఓసారి చూసేయ్యండి.