English | Telugu
రజనీకాంత్ భయపడ్డాడా..?
Updated : Feb 14, 2016
అవును. రజనీకాంత్ కూడా భయపడ్డాడు. కబాలీ రిలీజ్ ను వాయిదా వేయమని ప్రొడ్యూసర్ కు చెప్పాడు. ఇంతకూ రజనీని అంతగా భయపెట్టింది ఏమయ్యుంటుంది అనుకుంటున్నారా..? రజనీకి వేరే సినిమాల రిలీజ్ ల గురించి భయం లేదు. కానీ త్వరలోనే తమిళనాడులో ఎన్నికలు జరగబోతున్నాయి. వాటి ప్రభావం తన సినిమా మీద ఉండకూడదనే, కబాలీ రిలీజ్ ను వాయిదా వేసే ఆలోచన పెట్టుకున్నాడు రజనీ. రంజిత్ డైరెక్షన్లో మాఫియా డాన్ గా రజనీకాంత్ నటిస్తున్న సినిమా కబాలీ. తమిళ తెలుగు భాషల్లో ఒకేసారి రిలీజవ్వబోతున్న ఈ సినిమా భారీ బడ్జెట్ తో తెరకెక్కుతోంది. ప్రస్తుతం మలేషియాలో సినిమాకు సంబంధించిన కీలక సన్నివేశాలు తెరకెక్కిస్తున్నారు.
కబాలీ షూటింగ్ ఈ నెలాఖరుకు పూర్తవుతుంది. దాంతో ఏప్రిల్ 14న సినిమాను రిలీజ్ చేద్దామని ప్లాన్ చేశారు. కానీ ఎలక్షన్లు ఉండటంతో, వాయిదా వేయడమే మంచిదనే అభిప్రాయానికి రజనీ వచ్చినట్లు సమాచారం. తమిళనాడులో రాజకీయాలు సినిమాలకు ఏ మాత్రం తీసిపోవు. ఆ టైం లో రిలీజ్ చేస్తే, ఎంతటి గొప్ప సినిమా అయినా, దెబ్బై పోయే అవకాశాలే ఎక్కువ. అందుకే రిస్క్ ఎందుకులే అని రజనీ భావిస్తున్నాడట. త్వరలోనే అఫీషియల్ గా ఎనౌన్స్ చేసే అవకాశాలున్నాయి. దీని బట్టి చూస్తే, రజనీ అభిమానులు ఆయన సినిమా కోసం మరికొంత కాలం వెయిట్ చేయక తప్పదేమో...