మనిషికి ఆశ ఉండొచ్చు కానీ, దురాశ ఉండకూడదు. ఇప్పుడు ఆ దురాశే ఓ ప్రముఖ హీరోయిన్ కి శాపంగా మారింది అంటున్నారు. బాలీవుడ్ కి చెందిన ఒకరు.. ఓ ఫేమస్ హీరోయిన్ ని టార్గెట్ చేస్తూ, తాజాగా ఇన్ స్టాగ్రామ్ లో ఓ పోస్ట్ పెట్టారు. "ఒక ఫేమస్ పర్సన్ వల్ల కొద్దిరోజులుగా ఇబ్బంది పడుతున్నాను. ఆమె టీమ్ మెంబర్స్ మరియు కుటుంబసభ్యులు స్టుపిడ్ గా, అన్ ప్రొఫెషనల్ గా ఉంటారు. సౌత్ ఇండియన్ టీమ్ ఫ్రీగానో లేదా తక్కువ బడ్జెట్ లోనో వర్క్ చేస్తే.. మాతోనూ అలాగే చేయించుకోవాలని చూస్తారు. ఫ్యామిలీలో ఒకరు ఇరిటేట్ చేస్తుంటే, మరొకరు సారీ చెప్తున్నారు. నాకు మీతో కలిసి పనిచేయడం ఇష్టం లేదు. మీరు టీమ్ కి ఇవ్వాల్సిన పేమెంట్స్ చెల్లించకపోతే.. మీ పేర్లు బయటపెడతాను" అంటూ ఒక పోస్ట్ ప్రస్తుతం సోషల్ మీడియాలో వైరల్ గా మారింది.

సోషల్ మీడియాలో వైరల్ గా మారిన ఈ పోస్ట్ చూసి.. ఇది టాలీవుడ్ యంగ్ హీరోయిన్ కి సంబంధించిన వివాదమని పలువురు నెటిజెన్లు కామెంట్స్ చేస్తున్నారు. టాలీవుడ్ లో తక్కువ కాలంలోనే మంచి గుర్తింపు తెచ్చుకొని, స్టార్స్ తో స్క్రీన్ షేర్ చేసుకునే స్థాయికి ఎదిగిన ఆమె.. ప్రస్తుతం బాలీవుడ్ లో తన అదృష్టాన్ని పరీక్షించుకుంటోంది. ఆ హీరోయిన్ విషయంలో అన్నీ వెనకుండి చూసుకునేది ఆమె తల్లే అంటారు. సినిమాల ఎంపిక, రెమ్యూనరేషన్ ఇలా ప్రతి విషయంలో మదర్ ఇన్వాల్వ్మెంట్ ఉంటుందని చెబుతుంటారు. ఇప్పుడు బాలీవుడ్ లో ఈ వివాదానికి కూడా హీరోయిన్ మదరే కారణమని టాక్. మేకప్ టీమ్ ని తాము పెట్టుకుంటామని చెప్పి, ప్రొడ్యూసర్స్ నుంచి ఎక్కువ మొత్తం తీసుకొని.. ఆ టీమ్ కి మాత్రం సరిగా పేమెంట్స్ ఇవ్వట్లేదని ప్రచారం జరుగుతోంది. మరి ఇందులో నిజానిజాలు ఎంతో తెలియాల్సి ఉంది.