English | Telugu
నాగార్జున 'బంగార్రాజు' గా వస్తాడా..?
Updated : Feb 9, 2016
సంక్రాంతికి బరిలో దిగి, భారీ కలెక్షన్లతో మోత మోగించింది ' సోగ్గాడే చిన్ని నాయనా '.. భారీ సినిమాలతో పోటీలో నిలిచినా, అన్నింటినీ గెలిచి హీరో కమ్ ప్రొడ్యూసర్ అయిన నాగ్ కు భారీగా లాభాలను తెచ్చిపెట్టింది. ' మనం ' తర్వాత తన లైఫ్ లో అంత స్పెషల్ సినిమా ఇదేనని నాగార్జున కూడా చాలా సార్లు చెప్పారు. దీంతో ఈ సినిమాకు సీక్వెల్ గానీ ప్రీక్వెల్ గానీ తీసే ఆలోచనలో నాగార్జున ఉన్నట్లు వార్తలు వచ్చాయి. వాటిని నిజం చేస్తూ, అనపూర్ణ స్టూడియోస్ బ్యానర్ పై ' బంగార్రాజు ' అనే టైటిల్ ఫిలిం చాంబర్లో రిజిష్టర్ అయిందని సమాచారం.
' సోగ్గాడే.. ' సినిమాకు బంగార్రాజు పాత్ర చాలా కీలకం. ఆ కథ మొత్తానికి అతనే మూల స్తంభం. ఈ నేపథ్యంలో, బంగార్రాజు జీవితానికి మరింత కథ కలిపి, ఆ పాత్ర మీదే పూర్తి స్థాయి సినిమా తీయబోతున్నారా..లేక ఇది ఆ సినిమాకు సంబంధం లేకుండా, కంప్లీట్ గా కొత్త స్టోరీతో చేస్తారా..? ఇవి ఇప్పుడు నాగ్ అభిమానులను వేధిస్తున్న ప్రశ్నలు. ప్రశ్నల్ని పక్కన పెడితే, నాగ్ మైండ్ లో బంగార్రాజు పాత్ర బలంగా నాటుకుపోయిందన్నది మాత్రం స్పష్టం..మరి నాగార్జున ఏం చేయబోతున్నారో చూడాలి..