English | Telugu

Home  
Movie-News  
నారా రోహిత్ ' సావిత్రి ' ఎలా ఉందో తెలుసా..? కంప్లీట్ రివ్యూ

నారా రోహిత్ ' సావిత్రి ' ఎలా ఉందో తెలుసా..? కంప్లీట్ రివ్యూ

Updated : Apr 1, 2016

స్టోరీ బేస్డ్ గా మూవీస్ ను ఎన్నుకుంటాడు అన్న పేరుంది నారారోహిత్ కు. ఈ మధ్యనే తుంటరి అంటూ పలకరించిన రోహిత్, ఈరోజు సావిత్రి అంటూ మళ్లీ ఆడియన్స్ ముందుకొచ్చాడు. సావిత్రి హిట్టుపైనే ప్రస్తుతం నారారోహిత్ చూపులున్నాయి. మరి ఈ సినిమా అతని ఆశల్ని నిలబెట్టిందా..? చూద్దాం రండి.

కథ
సావిత్రి (నందిత) కు జీవితంలో పెళ్లి ఒకటే ధ్యేయం. పెళ్లిచేసుకోవాలి అనేది ఆమె కల. పెళ్లంటే సావిత్రికి పిచ్చి. అలాంటి ఆమెకు పెళ్లి సెట్టవడంతో బామ్మ (రమాప్రభ) తో కలిసి షిర్డీకి రైల్లో బయలుదేరుతుంది. రైల్లో ఆమెకు రిషి (నారా రోహిత్) పరిచయమౌతాడు. అతన్ని చూసి సావిత్రి కూడా ప్రేమలో పడుతుంది. కానీ పెళ్లంటే తనకున్న పిచ్చి కారణంగా, పారిపోయి పెళ్లి చేసుకోవడం సావిత్రికి ఇష్టం ఉండదు. దాంతో రిషి ఆమె ఊరికొచ్చి తల్లిదండ్రులను ఒప్పించే పని పెట్టుకుంటాడు. మరి సావిత్రి తల్లిదండ్రులు ఒప్పుకున్నారా..? రిషి వాళ్లనెలా ఒప్పిస్తాడు..? రిషి ఎదుర్కున్న ఒడిదుడుకులేంటి..? ఇది బ్యాలెన్స్ స్టోరీ..

పెర్ఫామెన్స్:
మాస్ క్యారెక్టర్ తో జనాన్ని మెప్పించడానికి చాలా ఎనర్జీ ఉండాలి. డైలాగ్ డెలివరీ పంచ్ ల్లా పేలాలి. కానీ నారారోహిత్ లో అదే మిస్సైనట్టు అనిపిస్తుంది. సీన్ ఎలాంటిదైనా, నుంచొని డైలాగులు చెబుతున్నట్టు అనిపిస్తుంటుంది. ఇక్కడే ప్రేక్షకులు సినిమానుంచి డిస్కనెక్ట్ అవుతారు. మరో వైపు సావిత్రి పాత్ర వేసిన నందిత మాత్రం మంచి పెర్ఫామన్స్ కనబర్చింది. ఈ రోల్ ఆమెకు టైలర్ మేడ్ గా సెట్ అయిపోయింది. రవిబాబు, మురళి శర్మ, అజయ్, జీవా లాంటి భారీ కాస్టింగ్ ఉన్నా, ఎవరి పాత్రకూ సరైన ఎండింగ్ ఉండదు. పోసాని కృష్ణమురళి, ప్రభాస్ శీను నవ్విస్తారు. మధు, శ్రీముఖిల సీన్స్ బాగా పేలాయి. సత్యం రాజేష్, జబర్దస్త్ సత్య, ధన్య బాలకృష్ణన్ లు ట్రై చేసినా నవ్వించడంలో సక్సెస్ కాలేకపోయారు.

టెక్నికల్
డైరెక్టర్ పవన్ సాథినేని భారీ కాస్టింగ్ ను సినిమాలో పెట్టినా, వారి నుంచి పూర్తిస్థాయి నటనను రాబట్టలేకపోయాడు. సినిమాను ఇంట్రస్టింగ్ నడపడంలో స్క్రీన్ ప్లే సక్సెస్ కాలేకపోయింది. కృష్ణ చైతన్య డైలాగులు ఈ సినిమాలో పెద్దగా ఆకట్టుకోలేదు. శ్రవణ్ ఇచ్చిన పాటల్లో సావిత్రి టైటిల్ సాంగ్ ఆకట్టుకుంటుంది. బ్యాగ్రౌండ్ స్కోర్ కూడా ఫర్లేదనిపించాడు. వసంత్ సినిమాటోగ్రఫీ అక్కడక్కడా ఆకట్టుకుంటుంది. ఓవరాల్ గా ప్రొడక్షన్ వాల్యూస్ బాగున్నాయి.

ప్లస్ లు
ఫస్ట్ హాఫ్ ఫన్
కామెడీ సీన్స్

మైనస్ లు
రోహిత్ పెర్ఫామెన్స్
ముందే తెలిసిపోయే సెకండ్ హాఫ్

తెలుగు వన్ వ్యూ
సినిమాలో అన్ని రుచులు ఉన్నా, వాటిని సరైన ఆర్డర్లో వడ్డించడం మర్చిపోయాడు దర్శకుడు. ప్రస్తుతం వేరే పెద్ద సినిమాలు లేని నేపథ్యంలో కొన్నాళ్ల పాటు సావిత్రి నడుస్తుంది.

రేటింగ్ : 2/5

--- లోకేష్ బండి

« Prev
Next »

వృషభ ఎండింగ్ కలెక్షన్స్ ఇవేనా! ఫస్ట్ వీక్ ఎంత

సౌత్ ఇండియన్ సూపర్ స్టార్స్ లో మోహన్ లాల్(Mohanlal)కూడా ఒకరని ఇప్పుడు ప్రత్యేకంగా చెప్పుకోవాల్సిన పని లేదు. 80 వ దశకం నుంచే సదరు సౌత్ ఇండియన్ సిల్వర్ స్క్రీన్ పై తన సత్తా చాటుతూ వస్తున్నాడు. ఈ క్రమంలోనే మరోసారి 'క్రిస్ మస్'(Christmas)కానుకుగా 'వృషభ'(Vrusshabha)తో అడుగుపెట్టాడు. కానీ వృషభ అభిమానులతో పాటు అందరి అంచనాలని తలకిందులు చేస్తు డిజాస్టర్ టాక్ ని సొంతం చేసుకుంది.

వామ్మో వాయ్యో.. భర్త మహాశయులకు విజ్ఞప్తి సాంగ్ ఎలా ఉందంటే..?

ఈ సంక్రాంతికి 'భర్త మహాశయులకు విజ్ఞప్తి'తో అదిరిపోయే కమ్ బ్యాక్ ఇవ్వాలని చూస్తున్నాడు మాస్ మహారాజా రవితేజ. డింపుల్ హయాతి, ఆషిక రంగనాథ్ హీరోయిన్స్ గా నటిస్తున్న ఈ ఫ్యామిలీ ఎంటర్టైనర్ కి కిషోర్ తిరుమల దర్శకుడు. భార్య, ప్రేయసి మధ్య నలిగిపోయే వ్యక్తిగా రవితేజ కనిపిస్తున్నాడు.

సంక్రాంతికి గెలిచేది ఈ చిత్రమే.. పేరు ఇదే 

సంక్రాంతికి పర్యాయ పదం తెలుగు సినిమా అని చెప్పుకోవడంలో ఎలాంటి అతిశయోక్తి లేదు. ఈ వర్డ్ ని మారుద్దామని చూసినా మార్చలేని పరిస్థితి. అసలు సంక్రాంతి కోసం తెలుగు సినిమా, తెలుగు సినిమా కోసం సంక్రాంతి, ఇలా ఒకరికోసం ఒకరు పుట్టారా అని కూడా అనిపిస్తుంది. అంతలా ప్రతి సంక్రాంతికి  పందెం కోళ్ళల్లా తెలుగు సినిమాలు సిల్వర్ స్క్రీన్ పై టేక్ ఆఫ్ అవుతాయి. ఈ సారి కూడా ఆ ఆనవాయితీకి బ్రేక్ ఇవ్వకుండా సంక్రాంతికి మరింత శోభ ని తెచ్చేలా  మెస్మరైజ్ చేసే చిత్రాలు ఐ ఫీస్ట్ అనుభూతిని కలిగించనున్నాయి.

జనవరి 4 నుంచే మన శంకర వరప్రసాద్ హంగామా.. వెల్లడి చేసిన మేకర్స్ 

సిల్వర్ స్క్రీన్ పై అడుగుపెడుతున్న 'మన శంకర వరప్రసాద్ గారు'(Mana Shankara Varaprasad Garu)ద్వారా మెగా ప్రవాహాన్ని ఎప్పుడెప్పుడు చూస్తామా అనే ఆశతో అభిమానులతో పాటు మూవీ లవర్స్, ప్రేక్షకులు ఉన్నారు. పైగా ఈ సారి  మెగాస్టార్ కి విక్టరీ కి యాడ్ కావడంతో వాళ్ల ఆశల రేంజ్ ని దేనితోను కంపార్ చేయలేని పరిస్థితి. . దీంతో ఎగ్జైట్మెంట్ ని  ఆపుకొని ఉండటం ఇద్దరి అభిమానులకి  కొంచం కష్టంగా ఉన్నా రాబోయే మెగా విక్టరీ హుంగామా ని ఊహించుకుంటు  జనవరి 12 కోసం రీగర్ గా  వెయిట్ చేస్తున్నారు. కానీ ఇప్పుడు ఆ ఆనందం ఎనిమిది రోజులు ముందుగానే రాబోతుంది. .

చీరకి, స్కర్ట్స్ కి తేడా ఇదే.. రోహిణి ఎవర్ని టార్గెట్ చేసిందో తెలుసా!

సుదీర్ఘ సినీ చరిత్ర కలిగిన నటి రోహిణి. అచ్చ తెలుగింటి ఆడపడుచు అయిన రోహిణి 1974 లో బాలనటిగా సినీ రంగ ప్రవేశం చేసి దక్షిణ భారతీయ సినీ పరిశ్రమకి చెందిన    ఎంతో మంది లెజండ్రీ యాక్టర్స్ తో స్క్రీన్ ని షేర్ చేసుకుంది. హీరోయిన్ గా,క్యారక్టర్ ఆర్టిస్ట్ గా, స్క్రీన్ రైటర్ గా, డబ్బింగ్ కళాకారిణిగా చాలా బలమైన ఐడెంటిటీ ఆమె సొంతం. నన్ను కన్నది తెలుగు తల్లి అయితే, పెంచింది తమిళ తల్లి అని ఎలాంటి దాపరికాలు లేకుండా చెప్పే రోహిణి రీసెంట్ గా ఒక కార్యక్రమంలో పాల్గొంది. ఈ సందర్భంగా ఆమె ఆడవాళ్ళ గురించి మాట్లాడిన మాటలు వైరల్ గా నిలిచాయి.

సాయిపల్లవి ఫ్యాన్స్ కి గుడ్ న్యూస్.. వేసవికి ఫుల్ మీల్స్ గ్యారంటీ

సిల్వర్ స్క్రీన్ కి అందం, గౌరవాన్ని తెచ్చే అరుదైన సహజ నటీమణుల్లో 'సాయిపల్లవి'(Sai Pallavi)కూడా ఒకరు. అద్భుతమైన పెర్ ఫార్మెన్స్  ని ప్రదర్శించడమే నిజమైన అందమని కూడా నిరూపించింది. అందుకే సహజ సిద్దమైన అభిమాన ఘనాన్ని భారీ స్థాయిలోనే పొందింది. ప్రస్తుతం తన హవాని బాలీవుడ్ యవనిక పై కూడా చాటబోతు ప్రపంచ సినిమాకి ధీటుగా భారతీయ చిత్ర పరిశ్రమలోనే అత్యంత హై బడ్జెట్ లో  తెరకెక్కుతున్న 'రామాయణ'(Ramayana)లో సీతమ్మ తల్లిగా చేస్తుంది.

Mrs Deshpande Review: మిస్సెస్ దేశ్ పాండే వెబ్ సిరీస్ రివ్యూ

ముంబైలోని ఒక ఇంట్లో నైలాన్ రోప్ తో దారుణంగా ఒక మనిషిని గొంతు నులిమి చంపేస్తాడు కిల్లర్. అలా సిటీలో వరుసగా హత్యలు జరుగుతుంటాయి. దాంతో ముంబై సిటీ కమీషనర్ అరుణ్ ఖత్రి (ప్రియాన్షు ఛటర్జీ).. ఈ కిల్లర్ ను పట్టుకునే భాద్యతను అండర్ కవర్ ఆఫీసర్ అయినటువంటి తేజస్(సిద్ధార్థ్ చందేకర్)కి అప్పగిస్తాడు.

Sahakutumbaanaam Review: సఃకుటుంబానాం మూవీ రివ్యూ

నూతన సంవత్సరం కానుకగా విడుదలైన సినిమాలలో 'సఃకుటుంబానాం' ఒకటి. రామ్ కిరణ్, మేఘ ఆకాష్ జంటగా నటించిన ఈ సినిమాలో రాజేంద్రప్రసాద్, బ్రహ్మానందం, శుభలేఖ సుధాకర్ వంటి సీనియర్ నటులు కీలక పాత్రల్లో నటించారు. ఉదయ్ శర్మ దర్శకత్వంలో హెచ్.ఎన్.జి సినిమాస్ నిర్మించిన ఈ ఫ్యామిలీ ఎంటర్‌టైనర్‌ ప్రచార చిత్రాలతో ప్రేక్షకుల దృష్టిని ఆకర్షించింది. మరి ఈ సినిమా ఎలా ఉందంటే..?

సైక్ సిద్ధార్ధ ఫస్ట్ డే కలెక్షన్స్ ఇవేనా! పగ వాడికి కూడా ఆ బాధ రాకూడదు

శ్రీ నందు(Shree Nandu)చాలా గ్యాప్ తర్వాత సోలో హీరోగా తన అదృష్టాన్ని పరీక్షించుకుంటు 2026 కి వెల్ కమ్ చెప్తు నిన్న 'సైక్ సిద్దార్ధ'(Psych Siddhartha)తో సిల్వర్ స్క్రీన్ పై ల్యాండ్ అయ్యాడు. పక్కా రొమాంటిక్ ఎంటర్ టైనర్ గా తెరకెక్కగా బాగానే ఉందనే టాక్ ని సొంతం చేసుకుంది.  రివ్యూస్ కూడా అదే స్థాయిలో వస్తున్నాయి. పైగా సింగల్ స్క్రీన్స్ తో సహా మల్టి ప్లెక్స్ లో టికెట్ రేట్స్ ని భారీగా తగ్గించారు. దీంతో అందరి చూపు సైక్ సిద్దార్ధ వైపు పడిందనే టాక్ సినీ సర్కిల్స్ లో వినిపిస్తుంది. మరి మొదటి రోజు ఏ మేర కలెక్షన్స్ ని రాబట్టిందో చూద్దాం.

ఇరవై ఐదు వేలు ఇస్తే ఏమైనా చేస్తుందా! అసలు ఆట అప్పుడే అయిపోలేదు

సినీ సెలబ్రటీస్ ని సైతం తన వద్దకి రప్పించుకునే శక్తి  సోషల్ మీడియా సొంతం. తన సెలబ్రటీస్ ని సినీ సెలబ్రటీస్ గా  కూడా మార్చే శక్తి కూడా సోషల్ మీడియా సొంతం. ఇందుకు ఉదాహరణగా ప్రభాస్, హను రాఘవపూడి ల ఫౌజీ లో చేస్తున్న ఇమాన్వీ ని చెప్పుకోవచ్చు.ఇది జస్ట్ ఉదాహరణ మాత్రమే. చాలా మంది సోషల్ మీడియా సెలబ్రటీస్ పాన్ ఇండియా వ్యాప్తంగా సినీ అవకాశాలు పొందుతు వస్తున్నారు.