English | Telugu
సరైనోడు రీషూట్ కి కారణం అదేనా..?
Updated : Apr 15, 2016
ఆడియో సక్సెస్ మీట తర్వాతి రోజే సరైనోడు రీషూట్ చేస్తున్నారంటూ వార్తలు వచ్చిన సంగతి తెలిసిందే. సినిమాను చిరుకు చూపించారని, ఆయన చెప్పిన కరెక్షన్ల గురించే సినిమాను రీషూట్ చేయబోతున్నారంటూ మాట్లాడుకున్నారు. కానీ ఈ రీషూట్ పర్వం వెనుక సెన్సార్ బోర్డ్ కూడా ఉందట. మామూలుగానే బోయపాటి సినిమా అంటే వయలెన్స్ ఎలా ఉంటుందో చెప్పక్కర్లేదు. ట్రైలర్లో సినిమాలోని హింసపాళ్లను కొద్దిగా చూపించాడు కూడా. దీంతో సినిమా వయలెన్స్ కారణంగా ఏ సర్టిఫికేట్ ఇస్తామని, ఒకవేళ తాము చెప్పిన సీన్స్ ను తొలగిస్తే యూ బై ఏ ఇస్తామని సెన్సార్ వాళ్లు అన్నారట.
ఒక సీక్వెన్స్ లో ఎడిటింగ్ చేసుకున్న సినిమాకు మధ్యలో సీన్స్ కట్ చేస్తే, అతుకుల బొంతలా తయారవుతుంది సినిమా. ఇప్పటికే బన్నీ కూడా u/a సర్టిఫికేట్ సినిమా ఇది అంటూ ఆడియో సక్సెస్ మీట్ లో ప్రకటించేశాడు. దాంతో ఎలా అయినా ఆ సర్టిఫికెట్ కోసం, సినిమా సీక్వెన్స్ సీన్స్ చెడిపోకుండా, కొద్దిగా మార్చి రీషూట్ చేస్తున్నారట. ఎలాగూ టైం ఉంది కాబట్టి, రీషూట్ చేసి పెర్ఫక్షన్ తోనే హాల్లోకి ఎంటరౌదామని ఫిక్సయ్యారట. అదండీ రీషూట్ వెనక అసలు విషయం. రీషూట్ అయిన తర్వాత మళ్లీ సెన్సార్ బోర్డుకు చూపించేసి 22వ తారీఖున హాల్స్ లో హల్ చల్ చేయబోతున్నాడు అల్లు అర్జున్.