స్టైలిష్ స్టార్ అల్లు అర్జున్ కథానాయకుడిగా... సక్సెస్ ఫుల్ డైరెక్టర్ బోయపాటి శ్రీను దర్శకత్వంలో... సూపర్ డూపర్ హిట్స్ ని అందించిన ప్రతిష్టాత్మక గీతా ఆర్ట్స్ బ్యానర్లో... విజయవంతమైన చిత్రాలకు కేరాఆఫ్ అడ్రస్ గా నిలిచిన అల్లు అరవింద్ నిర్మాణంలో తెరకెక్కిస్తున్న చిత్రం సరైనోడు. శరవేగంగా షూటింగ్ జరుపుకుంటున్న ఈ చిత్రానికి సంబంధించిన ప్రీ లుక్ ను ఇటీవలే రిలీజ్ చేశారు. విభిన్నమైన ప్రమోషన్లో భాగంగా విడుదల చేసిన ఈ ప్రీ లుక్ పోస్టర్ కు ట్రెమండస్ రెస్పాన్స్ వచ్చింది. ప్రీ లుక్ పోస్టర్స్ తో తెలుగు చిత్ర పరిశ్రమతో పాటు.. అల్లు అర్జున్ అభిమానుల్లో ప్రత్యేకమైన క్రేజ్ నెలకొంది. కండలు తిరిగిన చేతితో... హ్యాండిల్ తో కూడిన ఇనుప గుండును పట్టుకున్న ఈ పోస్టర్ తో అభిమానులు పండగ చేసుకున్నారు.

ఇదే క్రేజ్ ను కంటిన్యూ చేస్తూ... సరైనోడు ఫస్ట్ లుక్ పోస్టర్ ను రిలీజ్ చేశారు. రిపబ్లిక్ డే సందర్భంగా రిలీజ్ చేసిన ఈ పోస్టర్ కు అద్భుతమైన స్పందన లభించింది. అల్లు అర్జున్ స్టామినాను, బోయపాటి శ్రీను లాంటి మాస్ డైరెక్టర్ టేకింగ్ ను మిళితం చేసి రూపొందిస్తున్న ఈ చిత్ర ఫస్ట్ లుక్ పోస్టర్ తో సినిమా రేంజ్ భారీగా పెరిగిందని ట్రేడ్ పండితులు అంచనా వేస్తున్నారు. ఫ్యామిలీ, యాక్షన్ ఎంటర్ టైనర్ గా తెరకెక్కిస్తున్న ఈ చిత్రంలో రకుల్ ప్రీత్, కేథరీన్ అందచందాలు ప్రత్యేక ఆకర్షణగా నిలవనున్నాయి. అంజలి ఓ ప్రత్యేకగీతంలో అల్లు అర్జున్ తో కలిసి స్టెప్పులేసింది. ఏప్రిల్ 8న స్టైలిష్‌స్టార్ అల్లు అర్జున్ పుట్టిన‌రోజు సంద‌ర్బంగా విడుద‌ల చేయ‌టానికి స‌న్నాహ‌లు చేస్తున్నారు.