అద్భుతమైన పెర్ఫార్మెన్సుని ప్రదర్శించే నటిగా 'సమంత'(Samantha)కి ప్రేక్షకుల్లో ఉన్న క్రేజ్ తెలిసిందే. 2023 లో 'విజయ్ దేవరకొండ'(VIjay Devarakonda)తో చేసిన ఖుషి తర్వాత, గత నెల మే 9 న 'శుభం' అనే హర్రర్ కామెడీతో ప్రేక్షకుల ముందుకు వచ్చింది. ఆ మూవీలో ప్రత్యేకమైన క్యారక్టర్ ని పోషించడంతో పాటు నిర్మాతగాను వ్యవహరించింది. మరో వైపు హిందీలో వెబ్ సిరీస్ లు కూడా చేస్తు, గత ఏడాది నవంబర్ 6 న 'సిటాడెల్ హనీబన్నీ' తో తనేంటో ప్రూఫ్ చేసుకుంది.

ప్రస్తుతం సమంత ఖాతాలో 'రక్త్ బ్రహ్మాండ్'(Rakt Brahmand)అనే మరో హిందీ వెబ్ సిరీస్ ఉంది. 'ది బ్లడీ కింగ్ డమ్' అనేది ఉప శీర్షిక. యాక్షన్ ఫాంటసీ గా తెరకెక్కుతున్న ఈ సిరీస్ లో బాలీవుడ్ క్రేజీ హీరో ఆదిత్య రాయ్ కపూర్ హీరోగా చేస్తున్నాడు. 'సిటాడెల్' ని తెరకెక్కించిన రాజ్ & డికె (Raj,dk)ద్వయం,ప్రముఖ ఓటిటి దిగ్గజం 'నెట్ ఫ్లిక్స్'(Netflicx)కలిసి సంయుక్తంగా నిర్మిస్తున్నారు. ఈ మేరకు చాలా రోజుల క్రితమే అధికార ప్రకటన వచ్చింది. కానీ షూట్ కి వెళ్లకముందే ఈ సిరీస్ కి సంబంధించిన ఆర్థిక లావాదేవీల్లో ఫ్రాడ్ జరిగిందని, దీంతో ఈ సిరీస్ ఆగిపోయిందనే వార్తలు బాలీవుడ్ సినీ సర్కిల్స్ లో చక్కర్లు కొడుతున్నాయి.

ఈ విషయంపై 'నెట్‌ఫ్లిక్స్' సంస్థ మేకర్స్‌తో చర్చలు జరిపిందనే టాక్ కూడా వినపడుతుంది. 'తుంబాడ్' తో తో సూపర్ హిట్ అందుకున్న దర్శకుడు 'రాహి అనిల్ బర్వే'(Rahi anil Barve)ఈ సిరీస్ కి డైరెక్ట్ చేయాల్సి ఉంది. దీంతో హిందీ కి సంబంధించి ఈ ప్రాజెక్ట్ సమంత కెరీర్ కి ఎంత ఇంపార్టెంటో అర్ధం చేసుకోవచ్చు. ఇక రక్త్ బ్రహ్మాండ్ ఆగిపోయిందనే వార్త సోషల్ మీడియాలో వస్తుండటంతో సమంత సినీ కెరీర్ పై రకరకాల మాటలు వినపడుతున్నాయి. సమంత చాలా రోజుల క్రితమే 'మా ఇంటి బంగారం' అనే మూవీని అనౌన్స్ చేసింది. కానీ ఇంతవరకు ఆ చిత్రం స్టార్ట్ కాలేదు.