English | Telugu
దేవీ రెడీ పాటకు సల్మాన్ ఆట
Updated : Apr 16, 2011
దేవీ పాటకు సల్మాన్ ఆట. విషయమేమిటంటే మన తెలుగు సినీ సంగీత యువతరంగం దేవీ శ్రీ ప్రసాద్ "ఆర్య-2" చిత్రం కోసం కంపోజ్ చేసిన "రింగ రింగ రింగ రింగ" పాట బాలీవుడ్ చిత్రంలో వినిపించబోతోంది. తెలుగులో రామ్ హీరోగా, జెనీలియా హీరోయిన్ గా, శ్రీను వైట్ల దర్శకత్వంలో వచ్చిన సూపర్ హిట్ మూవీ "రెడీ"ని హిందీలో కూడా అదే పేరుతో రీమేక్ చేస్తున్నారు. ఈ హిందీ రెడీలో హీరోగా హిందీ కండల కాంతారావు అదేనండీ సల్మాన్ ఖాన్ నటిస్తున్నారు.
ఈ సల్మాన్ ఖాన్ హీరోగా నటిస్తున్నహిందీ"రెడీ" చిత్రంలో "ఆర్య-2" చిత్రంలోని "రింగ రింగ రింగ రింగ" అనే ఐటం సాంగ్ ని పెడుతున్నారట. ఈ "రింగ రింగ రింగ రింగ" పాటకు సల్మాన్ ఖాన్ ఆటాడుతున్నాడట. అదేనండి డ్యాన్స్ చేస్తున్నాడట. ఒకప్పుడు హిందీ పాటలను మనవాళ్ళు కాపీ కొట్టేవాళ్ళు. ఆ స్థాయి నుంచి మన పాటలను హిందీ వాళ్ళు కాపీకొట్టే స్థాయికి మన సంగీతం ఎదిగినందుకు, అదీ మన తెలుగు కుర్రాడు దేశ్రీ ప్రసాద్ సంగీతం అందించిన పాట అయినందుకూ మనం గర్వపడాలి..ఏమంటారు...?