English | Telugu
పూరీ, బచ్చన్ "బుడ్డా" జూలై 8 న రిలీజ్
Updated : Apr 16, 2011
పూరీ, బచ్చన్ "బుడ్డా" జూలై 8 న రిలీజ్ కానుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే ఆలిండియా సూపర్ స్టార్ అమితాబ్ బచ్చన్, ఐశ్వర్యారాయ్, ఛార్మి, సోనూ సూద్ ప్రథాన తారాగణంగా, డైనమిక్ డైరెక్టర్ పూరీ జగన్నాథ్ దర్శకత్వంలో, మరో ప్రముఖ దర్శక, నిర్మాత రామ్ గోపాల వర్మ నిర్మిస్తున్న చిత్రం "బుడ్డా". ఈ చిత్రానికి క్యాప్షన్ "హోగా తేరా బాప్"అని నిర్ణయించారు. ఈ చిత్రానికి పూరీ జగన్నాథ్ వ్రాసిన మాటలు చాలా అద్భుతంగా ఉన్నాయనీ, తన సుదీర్ఘ సినీ జీవితంలో ఇలాంటి డైలాగులు ఏ సినిమాలో కూడా చెప్పలేదని అమితాబ్ బచ్చన్ ఈ "బుడ్డా" చిత్రంలోని మాటలకు కాంప్లిమెంటివ్వటం విశేషం.
ఈ "బుడ్డా" చిత్రం మార్చిలో ప్రారంభించారు. ఈ "బుడ్డా" చిత్రాన్ని జూలై 8 వ తేదీన ప్రపంచ వ్యాప్తంగా విడుదల చేయనున్నారు. దక్షిణాదికి చెందిన ఈ "బుడ్డా" చిత్ర దర్శకుడు పూరీ జగన్నాథ్ పై అమితాబ్ బచ్చన్ ప్రశంసల వర్షం కురిపించటం బాలీవుడ్ వర్గాలకు ఆశ్చర్యాన్ని కలుగజేస్తుంది.