English | Telugu
బీ రెడీ.. ‘సలార్’ ఓటీటీలోకి వచ్చేస్తోంది.. ఎప్పుడంటే..?
Updated : Jan 17, 2024
భారీ అంచనాల మధ్య విడుదలైన ‘సలార్’ భారీ కలెక్షన్లు సాధించి వరల్డ్వైడ్గా బ్లాక్బస్టర్ హిట్ టాక్ను సొంతం చేసుకున్న విషయం తెలిసిందే. ప్రభాస్, ప్రశాంత్ నీల్ కాంబినేషన్లో వచ్చిన ఈ సినిమా ఫ్యాన్స్ను ఎంతో ఖుష్ చేసింది. తమ హీరోని ఎలా చూడాలని అభిమానులు కోరుకున్నారో ఆ రేంజ్లో ప్రభాస్ని ప్రజెంట్ చేసి వారి చేత శభాష్ అనిపించుకున్నాడు ప్రశాంత్. వరల్డ్వైడ్గా దాదాపు రూ.700 కోట్లకు పైగా కలెక్ట్ చేసి సంచలనం సృష్టించింది ‘సలార్’. ఈ సినిమాకి సంబంధించి థియేటర్లలో సందడి ముగిసింది. ఇక ఓటీటీలో ఎప్పుడు స్ట్రీమ్ అవుతుందా అని అందరూ ఆసక్తిగా ఎదురుచూస్తున్నారు. ఈ క్రమంలోనే ‘సలార్’ ఓటీటీ డేట్ ఫిక్స్ అయ్యిందంటూ వార్తలు వస్తున్నాయి.
‘సలార్’ డిజిటల్ హక్కులను నెట్ఫ్లిక్స్ దక్కించుకున్న విషయం తెలిసిందే. ఈ సినిమా స్ట్రీమింగ్కి సంబంధించిన ఓ పోస్టర్ను విడుదల చేసింది నెట్ఫ్లిక్స్. త్వరలోనే తెలుగు, తమిళ్, మలయాళ భాషల్లో ‘సలార్’ స్ట్రీమింగ్ జరుగుతుందని ఆ పోస్టర్లో పేర్కొన్నారు. ప్రస్తుతం ఉన్న అగ్రిమెంట్ ప్రకారం సినిమా రిలీజ్ అయిన 45 రోజుల తర్వాత అంటే ఫిబ్రవరి 9న ఓటీటీలోకి వస్తుందని తెలుస్తోంది. ఈ డేట్ మిస్ అయితే 16 తారీఖున స్ట్రీమింగ్కు రెడీ అవుతున్నట్లు విశ్వసనీయ వర్గాల సమాచారం. స్ట్రీమింగ్కి సంబంధించి త్వరలోనే అధికార ప్రకటన వెలువడే అవకాశం ఉందని తెలుస్తోంది.