English | Telugu
లింగ = ఇంద్ర??
Updated : Dec 10, 2014
ఏ కమర్షియల్ సినిమా తీసుకొన్నా.. అంతకు ముందొచ్చిన నాలుగైదు హిట్ సినిమాల కలయికే అన్నది నమ్మక తప్పని నిజం. తెలుగులోనేకాదు, తమిళంలోనూ ఈతరహా సినిమాలొస్తున్నాయి. కట్ పేస్ట్ కాకపోయినా... గతంలో విజయవంతమైన చిత్రాల్లో ప్రేక్షకులు మెచ్చిన అంశాల్ని జోడించి ఓ సినిమా వండేస్తున్నారు. ప్రస్తుతం లింగ కూడా అలాంటి వంటకమే అన్న అనుమానాలు వ్యక్తం అవుతున్నాయి. రజనీ లెటెస్టు చిత్రం లింగ. ఈనెల 12న ప్రపంచ వ్యాప్తంగా 2400 థియేటర్లలో విడుదల అవుతోంది. వేలాది మంది ప్రజలకు ఉపయోగపడే ప్రాజెక్టు కోసం కథానాయకుడు తన ఆస్తినంతా ధారాతత్తం చేస్తాడు. కానీ కొంతమంది శత్రువులు ఈ ప్రాజెక్టును అడ్డుకోవాలనే ప్రయత్నాలు మొదలెడతారు. చివరికి ఎలా పూర్తయింది అనేదే కథ. లింగ కథ ఇలా చెప్తూపోతే... దాదాపుగా చిరంజీవి చిత్రం ఇంద్రకు దగ్గర పోలికలున్నాయి కదూ. లైన్ అదే. కాకపోతే... దర్శకుడు రవికుమార్ ఈ కథని ఓ రేంజ్లో తీర్చిదిద్దాడట. ఇంద్రలో చిరు సీమను వదిలి, మరో చోట మరో జీవితాన్నిప్రారంభిస్తాడు. రజనీ మాత్రం ఈ సినిమాలో మరో జన్మ ఎత్తుతాడు అదే తేడా. రజనీ స్టైల్స్, మేనరిజం, డైలాగ్స్, సాంకేతిక విలువలూ కలసి ఈ కథకు కొత్త కలరింగు ఇచ్చాయి. మరి ఇంద్ర లైన్పట్టుకొని వస్తున్న లింగ తెరపై ఎలా ఉంటుందో చూడాలంటే మరి కొన్ని గంటలు ఆగితే చాలు.