English | Telugu
సోనాక్షి కోసం ప్రభుదేవాని గోకుతున్న మెగా హీరో!
Updated : Dec 10, 2014
తెలుగులో హీరోయిన్లకు యమా కోరతొచ్చేసింది. స్టార్ హీరోల పక్కన కూడా కథానాయికలు దొరకడం లేదు. అందుకే బాలీవుడ్ నుంచి దిగుమంతి చేసుకొంటున్నారంతా. కొంతమంది కథానాయికలైతే మరీ బెట్టు చేస్తున్నారు, పారితోషికం విషయంలో కొండెక్కేస్తున్నారు. సోనాక్షి సిన్హా కూడా అంతే. దక్షిణాది సినిమాలంటే మరీ డబుల్, త్రిబుల్ రెమ్యునరేషన్ అడుగుతోందట. లింగ తో సౌత్ ఇండియాలో కాలు పెడుతోంది సోనాక్షి. ''అవకాశం వస్తే తెలుగులోనూ నటిస్తా'' అంటూ చాటింపేసింది. దాంతో రామ్చరణ్ ఎలాగైనా సరే సోనాక్షిని తన సినిమాలో హీరోయిన్ గా తీసుకోవాలని గట్టిగా ఫిక్సయిపోయాడట. నోరు తెరిచి అడిగితే చీప్ అయిపోతామని.. ప్రభుదేవాని పట్టుకోబోతున్నాడు. చరణ్ - శ్రీనువైట్ల కాంబినేషన్ లో ఓ సినిమా మొదలవుతోంది. ఈ సినిమాలో కథానాయికగా సోనాక్షిని ఎంచుకోవాలన్న ప్రయత్నాల్లో ఉన్నారు. ఇందుకోసం ప్రభుదేవాని గోకుతున్నాడు చరణ్. ఆయన్నే ఎందుకంటే సోనాక్షికీ ప్రభుదేవాకి మధ్య మంచి అండర్స్టాండింగ్స్ ఉన్నాయి. సోనాక్షి తో మూడు సినిమాలు తీసిన అనుభవం ఉంది ప్రభుదేవాకు. అందుకే ప్రభుదేవా మాట సోనాక్షి కాదనదనే నమ్మకం. సో... ప్రభుదేవాని పట్టుకొంటే పనైపోతుందని అటు శ్రీనువైట్ల కూడా భావిస్తున్నాడట. సోనాక్షి పారితోషికం ఎంత అడిగినా ఇవ్వడానికి కూడా రెడీ అయిపోయారు. సో.. సోనాక్షి వలలో పడడమే తరువాయి.