English | Telugu
తరుణ్బాబుకి బాగా తలకెక్కింది
Updated : Feb 16, 2016
హ్యాట్రిక్ హీరో అని పిలిపించుకొన్నాడు రాజ్ తరుణ్! రూపాయి పెడితే... ఐదురూపాయల లాభాల్ని తీసుకొచ్చాడు. నిర్మాతల పాలిట కొంగు బంగారమయ్యాడు. అయితే.. ఈ విజయాల్ని చూసుకొని రెచ్చిపోతున్నాడు తరుణ్ బాబు. ఇప్పుడు అదే నిర్మాతలకు చుక్కలు చూపిస్తున్నాడని టాక్. చెప్పిన టైమ్కి సెట్ కి రాడని, ప్రమోషన్లకు సహకరించడని తరుణ్పై టాక్ నడుస్తోంది. ఇప్పుడు మరోటి బయల్దేరింది. అడ్వాన్సులు తీసుకొని... సదరు నిర్మాతలక కాల్షీట్లు ఇవ్వడం లేదని, దాంతో తరుణ్ చుట్టూ తిరిగి చెప్పులు అరగ్గొట్టుకొంటున్నారని, కానీ బాబు మాత్రం దయ తలచడం లేదని గుసగుసలాడుకొంటున్నారు. రాజ్ తరుణ్తో లేడీస్ టైటర్కి సీక్వెల్గా ఫ్యాషన్ డిజైనర్ సినిమా చేయాలని నిర్మాత మధుర శ్రీధర్ ప్లాన్ చేశాడు. దానికి రాజ్ తరుణ్ కూడా ఓకే అనేశాడు. అడ్వాన్సుకూడా పుచ్చుకొన్న తరుణ్.. ఆ తరవాత మొహం చాటేశాడట. కథ నచ్చలేదు, స్ర్కిప్టు మార్చండి.. అంటూ వంకలు పెడుతున్నాడట. ఆల్రెడీ ఈ సినిమాపై ఇప్పటికే రూ.50 లక్షల వరకూ ఖర్చు పెట్టిన శ్రీధర్.. ఇప్పుడు ఏం చేయాలో అర్థం కాక తెగ ఇదైపోతున్నాడట. ఇదనే కాదు, ఇప్పటి వరకూ ముగ్గురు నిర్మాతల దగ్గర అడ్వాన్సులు తీసుకొన్న తరుణ్.. అందరితోనూ ఇలానే ప్రవర్తిస్తున్నాడని, రాజ్ తరుణ్ తలతిక్క వైఖరితో చాలా నష్టపోతున్నామని నిర్మాతలు ఫీలవుతున్నారు. మరి బాబుకి ఈ కిక్కు ఎప్పుడు దిగుతుందో ఏమిటో?