English | Telugu
ఏప్రెల్ 25 న రామ్ చరణ్ రచ్చ ప్రారంభం
Updated : Apr 8, 2011
ఏప్రెల్ 25 న రామ్ చరణ్ రచ్చ ప్రారంభం కానుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే మెగా సూపర్ గుడ్ ఫిలింస్ పతాకంపై, యువ హీరో రామ్ చరణ్ హీరోగా, మిల్కీ వైట్ బ్యూటీ తమన్నా హీరోయిన్ గా, "ఏమైంది ఈ వేళ" ఫేం సంపత్ నంది దర్శకత్వంలో, యన్.వి.ప్రసాద్, పరాస్ జైన్ సంయుక్తంగా నిర్మిస్తున్న చిత్రం "రచ్చ". ఈ చిత్రం ఏప్రెల్ 25 వ తేదీన ప్రారంభం కానుందని తెలిసింది. ప్రస్తుతం గత కొంత కాలంగా రామ్ చరణ్ అమెరికాలో ఫ్లోరిడా సమీపాన కల మియామి బీచ్ వద్ద ఉన్న అంతర్జాతీయ జిమ్ లో "రచ్చ" చిత్రం కోసం ప్రత్యేక శిక్షణ తీసుకుంటున్నాడు.
ఈ "రచ్చ" చిత్రం ప్రారంభోత్సవానికి ఏప్రెల్ పదవ తేదీన ఇండియా రానున్నాడు. ఈ "రచ్చ" చిత్రంలో రామ్ చరణ్ టోటల్ గా తన లుక్ మొత్తం మార్చుకుంటున్నాడట. చాలా స్లిమ్ గా, కండలు తిరిగిన శరీరంతో కనబడుతూ, యాక్షన్ సీన్లలో స్పీడ్ ని ఇంకా పెంచే విధంగా అమెరికాలో శిక్షణ సాగిందని సమాచారం. ఈ "రచ్చ" చిత్రం కథ కూడా విభిన్నంగా, మాస్ ని ఆకట్టుకునే విధంగా, పూర్తి మాస్ ఎలిమెంట్స్ తో పూర్తి పక్కా మాస్ చిత్రంగా రూపొందనుందట.