English | Telugu

పవన్ సర్దార్ ఫలితం ఎందుకు ఇలా వచ్చింది..?

పవన్ కళ్యాణ్. ఈ పేరు ఓ ప్రభంజనం. ప్రకంపనం. ఆయన సినిమా వస్తే చాలు థియటర్ల దగ్గర పూనకం. పవన్ కు ఒకప్పుడు వరస ఫ్లాపులతో ఊపిరి ఆడలేదు. తనకు ఏ టైప్ మూవీస్ సెట్ అవుతాయో, ఏం చేస్తే మళ్లీ హిట్ కొట్టచ్చో పవన్ కు తెలియలేదు. అప్పటికి ఆయన క్రేజ్ కూడా డౌన్ అయిపోయింది. ఇలాంటి టైం లో ఏడారిలో ఒయాసిస్ లా ఆయనకు గబ్బర్ సింగ్ దొరికింది. హరీష్ శంకర్ కు స్వతహాగా ఉండే కామెడీ సెన్స్, పవన్ లో హ్యూమర్ టచ్ మిక్స్ అయిన గబ్బర్ సింగ్, పవన్ ను తీసుకొచ్చి ఆకాశంలో నిలబెట్టింది. మళ్లీ పవన్ మ్యానియా మొదలైపోయింది. ఆ తర్వాత వచ్చిన అత్తారింటికి దారేదితో ఫ్యాన్ బేస్ పూర్తిగా బలపడింది.

ఖుషీ టైం లో ఉన్నప్పటి కంటే ఎక్కువగా పవన్ మ్యానియాతో యూత్ ఊగిపోతున్నారు. ఇలాంటి టైంలో, గబ్బర్ సింగ్ రీమేక్ ను ఎంచుకుని, ఇంకో భారీ హిట్ కు ప్లాన్ చేశాడు పవర్ స్టార్. కానీ స్టోరీ, స్క్రీన్ ప్లే తనదే కావడం, ముగ్గురు నలుగురు దర్శకత్వ పర్యవేక్షణతో హడావిడిగా షూటింగ్ జరిపించడం లాంటివి సినిమాను దెబ్బ తీశాయి. కేవలం బాబీ చేతిలో తన కథ,కథనాలు పెట్టేసి తీసెయ్ రా అబ్బాయ్ అంటే పవన్ కు మినిమం హిట్ పడేదే. కానీ కలగూర గంపలా మారిపోవడంతో, జనాలకు సినిమా ఎలా ఉందో కూడా అర్ధం కాకుండా థియేటర్ బయటికి వస్తున్నారు. ఫస్ట్ టు లాస్ట్ పవన్ నే చూపిస్తూ, సినిమా ఎంత వరకూ నడిపించగలరు. పవన్ తో పాటు కాస్త కథ కనబడుతుంటేనే, సినిమాకు అందం వస్తుంది. గబ్బర్ సింగ్ లో ఉన్నది, ఇక్కడ లేనిది అదే.

జానీ తో పవన్ కు ఒక భారీ స్ట్రోక్ తగిలింది. ఇప్పుడు సర్దార్ తో రెండోది. ఎన్నో ఫ్లాపులుండగా, ఈ రెండింటినే స్టోక్స్ అని ఎందుకంటారంటే, ఇవి పవన్ చాలా మనసు పెట్టి, కథ కథనాలు సమకూర్చుకున్న సినిమాలు. ఫ్లాపులు వచ్చినప్పుడు పడే బాధ వేరు. ఎంతో ఇష్టపడి చేసిన సినిమాలు ఫ్లాపైతే వచ్చే ఆవేదన వేరు. ప్రస్తుతం పవన్ ఈ మోడ్ నుంచి బయటపడాలి. తనలో ఎంత డైరెక్టోరియల్ టాలెంట్ ఉన్నా, దాన్ని పక్కన పెట్టి కేవలం హీరోగా మాత్రమే సినిమాకు పనిచేయాలి. ఎందుకంటే, పవన్ ను ఎలా చూపించాలో ఆయన కంటే, డైరెక్టర్లకే బాగా తెలుసు. ఒకవేళ ఆయన స్క్రిప్ట్ లో వేలుపెడితే, అది బాగోకపోయినా పవన్ మీద గౌరవంతో ఆ విషయం ఆయనకు చెప్పరు. మారు మాట్లాడకుండా ఆయన చెప్పిందే తీసేస్తారు. ఇలాంటి సిట్యువేషనే ఇప్పుడు సర్దార్ కు ఎదురైంది. తన తర్వాతి ప్రాజెక్ట్స్ నుంచి, పవన్ మళ్లీ డైరెక్టర్ కే సినిమా వదిలేస్తారని ఫ్యాన్స్ ఆశిస్తున్నారు. అభిమానులు పవన్ ను మాత్రమే కాదు, ఆయన హిట్ సినిమాల్ని కూడా చూడాలనుకుంటారు కదా..!

సర్దార్ గబ్బర్ సింగ్ రివ్యూ ఇక్కడ చూడండి..!

http://teluguone.com/tmdb/news/Sardaar-Gabbar-Singh-Review-tl-58131c1.html

ధురంధర్ కి 90 కోట్లు నష్టం.. పంపిణి దారుడు ప్రణబ్ కపాడియా వెల్లడి 

రణవీర్ సింగ్, అక్షయ్ ఖన్నా, సంజయ్ దత్, మాధవన్, ఆదిత్య దర్ ల 'ధురంధర్' విజయ పరంపర ఇండియన్ సిల్వర్ స్క్రీన్ పై ఇంకా యథేచ్ఛగా కొనసాగుతుంది. బహుశా అడ్డు కట్ట వేసే మరో చిత్రం ఇప్పట్లో వచ్చేలా లేదు. వచ్చినా ధురంధర్ ముందు ఏ మాత్రం నిలబడతాయో అనే సందేహం కూడా ట్రేడ్ వర్గాలతో పాటు మూవీ లవర్స్ లో వ్యక్త మవుతుంది. అంతలా 'ధురంధర్' కథనాలు అభిమానులు, ప్రేక్షకులని ఆకట్టుకుంటున్నాయి. రిపీట్ ఆడియన్స్ కూడా పెద్ద ఎత్తున వెళ్తుండటంతో బాక్స్  ఆఫీస్ వద్ద ఇప్పటికే 1100 కోట్ల రూపాయలని రాబట్టింది. మరి అలాంటి ధురంధర్ కి ఒక ఏరియా లో మాత్రం 90 కోట్ల రూపాయిల నష్టాన్ని చవి చూసింది.

'నువ్వు నాకు నచ్చావ్' క్రెడిట్ మొత్తం వెంకటేష్ గారిదే.. త్రివిక్రమ్ శ్రీనివాస్

విక్టరీ వెంకటేష్, ఆర్తీ అగర్వాల్ హీరో హీరోయిన్లుగా కె. విజయభాస్కర్ దర్శకత్వంలో శ్రీ స్రవంతి మూవీస్ పతాకంపై ‘స్రవంతి’ రవికిషోర్ నిర్మించిన ‘నువ్వు నాకు నచ్చావ్’ చిత్రం విడుదలై ఇప్పటికీ పాతికేళ్లు అవుతుంది. ఈ మూవీకి కథ, మాటల్ని త్రివిక్రమ్ అందించారు. కోటి స్వరాలు సమకూర్చారు. కల్ట్ క్లాసిక్‌గా నిలిచిన ఈ చిత్రాన్ని న్యూ ఇయర్ సందర్భంగా జనవరి 1న రీ రిలీజ్ చేయబోతున్నారు. ఈ సందర్భంగా చిత్ర నిర్మాత స్రవంతి రవికిషోర్.. రచయిత, దర్శకుడు త్రివిక్రమ్ ప్రత్యేకంగా ముచ్చటిస్తూ ఆనాటి విశేషాల్ని గుర్తుచేసుకున్నారు. 

కొత్త సినిమా బ్యానర్ ఓపెన్ చేసిన బండ్ల గణేష్..బ్యానర్ లో ఉన్న పేరు ఈ నటుడిదే 

'ఎవడు కొడితే మైండ్ దిమ్మ తిరిగి బ్లాంక్ అవుతుందో వాడే పండుగాడు' అని పోకిరిలో మహేష్ బాబు(Mahesh Babu)చెప్పిన  డైలాగ్ ని కొంచం అటు ఇటుగా మార్చేసి 'ఎవడు మాట్లాడితే మాట తూటాలా పేలుతుందో ఆయనే బండ్ల' అని బండ్ల గణేష్(Bandla Ganesh)కి అన్వయించుకోవచ్చు. అంతలా నిఖార్సయిన తన మాటల తూటాలతో తనకంటూ ఒక బ్రాండ్ ని క్రియేట్ చేసుకున్నాడు. నటుడుగా, నిర్మాతగా కంటే తన మాటలకే ఎక్కువ మంది అభిమానులని సంపాదించుకున్నాడన్నా కూడా అతిశయోక్తి కాదు. ఈ విషయంలో ఎవరకి ఎలాంటి డౌట్స్ ఉన్నా బండ్ల గణేష్ స్పీచ్ తాలూకు వ్యూస్ ని చూడవచ్చు.