పవర్ స్టార్ పవన్ కళ్యాణ్(Pawan Kalyan)అప్ కమింగ్ మూవీ 'హరిహర వీరమల్లు'(Hari Hara Veeramallu). నిధి అగర్వాల్(Nidhhi Agerwal)హీరోయిన్ గా చేస్తుండగా బాబీడియోల్, సత్యరాజ్,నర్గిస్ ఫక్రి, నోరా ఫతేహి, జిష్ణు సేన్ గుప్తా, అనసూయ తదితరులు ముఖ్య పాత్రలు పోషించారు. మెగా సూర్య పతాకంపై ఏఎం రత్నం,దయాకర్ సుమారు రెండు వందల కోట్ల భారీ వ్యయంతో నిర్మించారు. కీరవాణి(Keeravani)సంగీత దర్శకుడుగా వ్యవహరించగా క్రిష్(Krish), జ్యోతికృష్ణ(Jyothi Krishna)ద్వయం దర్శకత్వం వహించింది.

ఈ మూవీ నుంచి నాలుగో సాంగ్ తార, తార(Tara Tara)అనే సాంగ్ రిలీజ్ అయ్యింది. ఈ సాంగ్ నిది అగర్వాల్ పై చిత్రీకరించగా, ఇది పక్కా ఐటెం సాంగ్ అని లిరిక్ తో పాటు వీడియో చూస్తే తెలుస్తుంది. కానీ సాంగ్ లో ఎక్కడ కూడా శృతి మించి అసభ్య పదజాలాలు లేవు. దీంతో ఈ సాంగ్ విన్న చాలా మంది గతంలో కీరవాణి మాట్లాడిన మాటలని గుర్తు చేసుకుంటున్నారు. వీరమల్లు మూడో సాంగ్ కి సంబంధించిన ఈవెంట్ లో కీరవాణి మాట్లాడుతు నాలుగో సాంగ్ 'తార తార' అనే ఒక ఐటెం సాంగ్ త్వరలోనే రిలీజ్ కానుంది. లిరిక్ లో కొన్ని పదాలు శృతి మించి ఉన్నాయి. దాంతో పవన్ సదరు లిరిక్స్ పై ప్రత్యేక దృష్టి పెట్టి నేనిప్పుడు డిప్యూటీ సిఎంగా ఉన్నాను. అసభ్య పదాలని ఉపయోగిస్తే బాగోదని కొన్ని పదాలని తొలగించాడనే విషయాన్నీ చెప్పాడు. ఇప్పుడు ఆ మాటని అందరు గుర్తు చేసుకుంటున్నారు.

హరిహర వీరమల్లు జూన్ 12 న పాన్ ఇండియా స్థాయిలో విడుదల కానుంది. దీంతో ప్రమోషన్స్ లో వేగం పెరగనున్నాయి. అందులో భాగంగా రీసెంట్ గా చెన్నై లో ఈవెంట్ జరుగగా చిత్ర బృందం మొత్తం పాల్గొంది. పవన్ కూడా త్వరలోనే వీరమల్లు ఈవెంట్స్ కి హాజరవుతాడనే వార్తలు ఫిలిం సర్కిల్స్ లో వినిపిస్తున్నాయి.