బాలకృష్ణతో మంచు ఎంటర్ టైన్ మెంట్స్ ప్రారంభమయ్యింది. వివరాల్లోకి వెళితే గతంలో కలెక్షన్ కింగ్ మంచు మోహన్ బాబు స్థాపించిన శ్రీలక్ష్మీప్రసన్న పిక్చర్స్ అనే ప్రముఖ సినీ నిర్మాణ సంస్థను కీర్తిశేషులు యన్ టి ఆర్ చేతుల మీదుగా ప్రారంభిస్తే, నేడు మోహన్ బాబు చిన్న కుమారుడు మంచు మనోజ్ కుమార్, అతని సోదరి మంచు లక్ష్మీ ప్రసన్న కలసి మంచు ఎంటర్ టైన్ మెంట్స్ అనే నూతన సినీ నిర్మాణ సంస్థను ప్రారంభించారు. అయితే ఈ బ్యానర్ ను శ్రీలక్ష్మీప్రసన్న పిక్చర్స్ అనే ప్రముఖ సినీ నిర్మాణ సంస్థను స్థాపించిన కీర్తిశేషులు యన్ టి ఆర్ కుమారులు ప్రముఖ హీరో యువరత్న నందమూరి బాలకృష్ణ తన చేతుల మీదుగా ఆవిష్కరించటం విశేషం.

మంచు ఎంటర్ టైన్ మెంట్స్ పతాకంపై తమ తొలి చిత్రంగా "ఊ కొడతారా...ఉలిక్కిపడతారా...!" అనే సినిమాని నిర్మిస్తున్నారు మంచు మనోజ్ కుమార్, అతని సోదరి మంచు లక్ష్మీ ప్రసన్న. "ఊ కొడతారా...ఉలిక్కిపడతారా...!" సినిమాతో రాజా అనే నూతన దర్శకుణ్ణి పరిచయం చేస్తున్నారు. "ఊ కొడతారా...ఉలిక్కిపడతారా...!" సినిమాకి బోబో శశి సంగీతాన్ని అందిస్తున్నారు. "ఊ కొడతారా...ఉలిక్కిపడతారా...!" సినిమాకి ఆర్య-2, ఆరెంజ్ సినిమాలకు సినిమాటోగ్రాఫర్ గా పనిచేసిన రాజశేఖర్ కెమెరామేన్ గా పనిచేస్తున్నారు. "చందమామ", "అలా మొదలయ్యింది" సినిమాలకు అద్భుతమైన మాటలనందించిన లక్ష్మీ భూపాల్ ఈ "ఊ కొడతారా...ఉలిక్కిపడతారా...!" సినిమాకి సంభాషణలు వ్రాస్తున్నారు. "ఊ కొడతారా...ఉలిక్కిపడతారా...!" సినిమా త్వరలో సెట్స్ పైకి రానుంది. మంచు మనోజ్ కుమార్ హీరోగా నటిస్తున్న ఈ "ఊ కొడతారా...ఉలిక్కిపడతారా...!" సినిమాలో యువరత్న నందమూరి బాలకృష్ణ ఒక ముఖ్యమైన పాత్రలో నటిస్తున్నారు. ఈ సినిమాలో దీక్షాసేథ్ హీరోయిన్ గా నటిస్తుందని తెలిసింది.