English | Telugu
నారా రోహిత్ ' సావిత్రి ' టీజర్ వచ్చింది..
Updated : Feb 12, 2016
చిత్రమైన కథల్ని ఎంచుకుని, వాటితో విజయం సాధించడం నారా రోహిత్ కు అలవాటుగా మారిపోయింది. ప్రస్తుతం తెలుగులో ఏ హీరో లేనంత బిజీగా ఉన్నాడు ఈ నారావారబ్బాయి. 'సావిత్రి ', ‘తుంటరి’, సినిమాలు రిలీజ్ కు రెడీ అవుతున్నాయి.ఇవి కాక ‘అప్పట్లో ఒకడుండేవాడు’, ‘వీరుడు’, ‘కథలో రాజకుమారి’, ‘జ్యో అచ్యుతానంద’, ‘రాజా చెయ్యి వేస్తే’ లాంటి సినిమాలు సెట్స్పై ఉన్నాయి. ‘ప్రేమ ఇష్క్ కాదల్’ ఫేమ్ పవన్ సాదినేని తెరకెక్కిస్తోన్న ' సావిత్రి ' సినిమా టీజర్ ఈ రోజు రిలీజయ్యింది..
ఫస్ట్ లుక్ కు మంచి రెస్పాన్స్ సంపాదించిన ఈ సినిమా, టీజర్ పరంగా పెద్దగా ఆకట్టుకోలేకపోయింది. నారా రోహిత్ తన పాత లుక్స్ తోనే కంటిన్యూ అయ్యాడు. కానీ రెగ్యులర్ సీరియస్ క్యారెక్టర్లకు భిన్నంగా, సావిత్రిలో యూత్ ఫుల్ గా కనిపిస్తున్నాడు. మాయాబజార్ సినిమాలోని ' అహ నా పెళ్లంట ' సాంగ్ తో టీజర్ ఎండ్ అవడం విశేషం. విజన్ ఫిల్మ్ మేకర్స్ బ్యానర్పై విబి. రాజేంద్ర ప్రసాద్ నిర్మించిన ' సావిత్రి ' మార్చి 5న థియేటర్లలో సందడి చేయనుంది.