English | Telugu
' ప్రేమమ్ ' లో నాగ్ వాయిస్ ఉంటుందా..?
Updated : May 2, 2016
మనం, సోగ్గాడే చిన్నినాయనా, ఊపిరి లాంటి వరస సూపర్ హిట్స్ తో హ్యాట్రిక్ కొట్టి ఊపుమీదున్నారు కింగ్ నాగార్జున. తర్వాత దర్శకేంద్రుడు రాఘవేంద్రరావుతో హాథీరాం బాబా సినిమాను తెరకెక్కించే పనిలో ఉన్న నాగ్ కు, కొడుకుల్ని ఇంకా సెటిల్ చేయలేదన్న ఫీలింగ్ మాత్రం అలాగే ఉంది. సరైన కమర్షియల్ హిట్ లేక నాగచైతన్య, ఫస్ట్ సినిమాయే డిజాస్టర్ అయిన అఖిల్, ఇలా ఇద్దరి కెరీర్లూ చాలా డల్ గా సాగుతున్నాయి. ఎలాగైనా ముందు కొడుకుల్ని పుష్ చేయాలని ఫిక్సయిన కింగ్, వాళ్లకోసం తనకు హిట్స్ ఇచ్చిన డైరెక్టర్స్ ను లాక్ చేసి పెట్టారు కూడా.
తాజాగా పెద్ద తనయుడు హీరోగా తెరకెక్కుతున్న రీమేక్ ప్రేమమ్ కు నాగ్ వాయిస్ ఇస్తారని, సినిమాలో కూడా కాసేపు కనిపించి అలరిస్తారనే వార్తలు ఫిల్మ్ నగర్లో వినిపిస్తున్నాయి. గతంలో వెంకటేష్ ప్రేమమ్ రీమేక్ లో నాగచైతన్య మావయ్యగా కనిపిస్తారనే ప్రచారం జరిగింది. కానీ అవి వాస్తవం కాలేదు. ఇప్పుడు నాగార్జున నటిస్తున్నారని వస్తున్న పుకార్లలో ఎంత వరకూ నిజం ఉందో పక్కన పెడితే, నాగార్జున వాయిస్ లేదా కామియో, మూవీకి డెఫినిట్ గా హెల్ప్ అవుతాయనడంలో డౌట్ లేదు. మళయాళంలో సంచలనం సృష్టించిన ప్రేమమ్ ను తెలుగులో అదే పేరుతో తెరకెక్కిస్తున్నారు. చందూ మొండేటి దర్శకత్వం వహిస్తుండగా, సూర్యదేవర నాగవంశీ నిర్మిస్తున్నారు. రీసెంట్ గానే మూవీలో నాగచైతన్య పెళ్లి సీన్ ను తెరకెక్కించిన సంగతి తెలిసిందే.