English | Telugu
ఆ మెగా హీరో ఖాళీ
Updated : Feb 17, 2016
మెగా హీరోలెప్పుడూ బిజీనే. ఎవరి క్రేజ్ వాళ్లకుంది. ఏడేళ్ల నుంచి సినిమాలు చేయని చిరంజీవి.. మొన్నటి వరకూ సినిమాల్లేని అల్లు శిరీష్ కూడా.. ఇప్పుడు బిజీగా మారిపోయారు. సాయిధరమ్తేజ్కి ఖాళీ అనేదే లేకుండా పోయింది. చరణ్, బన్నీ, పవన్ ఆల్వేస్ బిజీ. అయితే... వరుణ్తేజ్ మాత్రం ప్రస్తుతానికి ఖాళీ అయిపోయాడు. ముకుందతో ఎంట్రీ ఇచ్చిన ఈ మెగా హీరో.. కంచెతో ఆకట్టుకొన్నాడు. లోఫర్తో మాస్ ఇమేజ్ తెచ్చుకొందామన్న అతని ప్రయత్నం బెడసి కొట్టింది. రాయబారి సినిమా కూడా అర్థాంతరంగా ఆగిపోవడంతో.. వరుణ్ ఇప్పుడు సడన్గా ఖాళీ అయిపోయాడు. క్రిష్ సినిమా ఉంది కదా, అని మిగిలిన కథల్ని లైట్ తీసుకొన్న వరుణ్ చేతిలో ఇప్పుడు సినిమాలేదు. దాంతో నాగబాబు సైతం కంగారు పడిపోతున్నాడట. బాబుకి అర్జెంటుగా ఓ సినిమా సెట్ చేయాలని ప్రయత్నాలు ముమ్మరం చేస్తున్నట్టు తెలుస్తోంది. ఇంట్రస్ట్రీలో కొద్దో గొప్పో పేరుండి, ఇప్పుడు చేతిలో సినిమాల్లేని దర్శకులపై నాగబాబు దృష్టి సారించాడట. `మా అబ్బాయి కోసం మంచి కథ ఉంటే చెప్పండి.. ప్రొడ్యూసర్లు రెడీగానే ఉన్నారు` అంటూ రాయబారం పంపుతున్నాడట. ఆయన లక్ష్యం ఒక్కటే.. `వరుణ్ ఖాళీగా లేడు..` అనే సంకేతాలు పరిశ్రమకు పంపడం. మరి దర్శకులకు కాస్తయినా టైమ్ ఇవ్వాలి కదా? వరుణ్ ని దృష్టిలో ఉంచుకొని కథలు సిద్ధం చేయాలి కదా? లేదంటే పురానా జమానాలో హీరోలు రిజక్ట్ చేసిన కథలన్నీ వరుణ్ కోసం మళ్లీ బయటకు తీయాల్సివస్తుంది. మరి అందుకు వరుణ్ బాబు సిద్ధమేనంటారా??