English | Telugu
‘మాయే చేశావే..’ సిధ్ శ్రీరామ్ పాట, కళ్యాణ్రామ్, సంయుక్త ఆట
Updated : Sep 19, 2023
నందమూరి కళ్యాణ్ రామ్ హీరోగా అభిషేక్ పిక్చర్స్ పతాకంపై దర్శకనిర్మాత అభిషేక్ నామా నిర్మిస్తున్న డిఫరెంట్ మూవీ ‘డెవిల్’. బ్రిటీష్ సీక్రెట్ ఏజెంట్ ట్యాగ్లైన్. ఇటీవల విడుదలైన టీజర్ సినిమాపై అంచనాలను పెంచుతోంది. ఈ చిత్రాన్ని నవంబర్ 24న ప్రపంచ వ్యాప్తంగా విడుదల చేయబోతున్నారు. ఈ నేపథ్యంలో ఈ చిత్రంలోని తొలి పాటను విడుదల చేసింది చిత్ర యూనిట్.
‘మాయే చేశావే’ అంటూ సాగే ఈ పాటను సిద్ శ్రీరామ్ ఆలపించారు. ఈ పాటను ఐకాన్ మ్యూజిక్ విడుదల చేసింది. చక్కని మెలోడీగా రూపొందిన ఈ పాటను సిద్ శ్రీరామ్ అద్భుతంగా ఆలపించి ప్రేక్షకులకు మంచి అనుభూతిని కలిగించారు. హర్షవర్థన్ రామేశ్వర్ ఈ పాటను స్వరపరిచారు. స్వాతంత్య్రానికి ముందు ఉన్న బ్యాక్డ్రాప్లో కథ కావడంతో దానికి తగ్గట్టుగానే అన్ని విషయాల్లోనూ కేర్ తీసుకున్నారు. పాట చిత్రీకరణలో కూడా అంతే జాగ్రత్తలు తీసుకొని చేశారు. బృంద మాస్టర్ కొరియోగ్రఫీలో ఈ పాట చిత్రీకరణ జరిగింది. కళ్యాణ్రామ్, సంయుక్తలపై ఈ పాటను చిత్రీకరించారు.