English | Telugu
నేను అందరివాడిని: శ్రీకాంత్
Updated : Mar 21, 2014
హీరో శ్రీకాంత్ తానూ రాజకీయాలకు దూరం అని అంటున్నారు. ఈ మధ్య సినిమా నటులు అందరూ కూడా రాజకీయాల్లోకి వెళ్తున్న విషయం తెలిసిందే. అయితే ఇదే విషయంపై శ్రీకాంత్ మాట్లాడుతూ... నాకు అన్ని రాజకీయ పార్టీల్లోనూ మిత్రులున్నారు. కానీ రాజకీయాలంటే ఏ మాత్రం ఆసక్తి లేదు. ప్రచారం చేయమని కూడా ఎవరు నన్ను అడగరు. ఒకవేళ రాజకీయాల మీద ఆసక్తి ఉంటే చిరంజీవిగారు పార్టీ పెట్టినపుడే వెళ్ళేవాడిని. అయినా నేను అందరివాడిని. ఒక బాధ్యత గల పౌరునిగా ఓటు మాత్రం వేస్తాను అని అన్నారు. పవన్ జనసేన పార్టీ గురించి మాట్లాడుతూ...పవన్ కళ్యాణ్ పార్టీ పెట్టారని తెలియగానే మొదట షాకయ్యాను. ఆయన పార్టీ పెడతారని అస్సలు ఊహించలేదు. ఆయన ప్రసంగం ఆసక్తిగా అనిపించింది అని అన్నారు. రాష్ట్రం రెండుగా విడిపోయినప్పటికి చిత్రపరిశ్రమపై ఎలాంటి ప్రభావం ఉండదు. ప్రజలు తెలుగు సినిమాలను రెండు చోట్ల ఆదరిస్తారు అని తెలిపారు.